„Við ætlum að sýna meira og betra núna“
Eins og fram hefur komið þá hefur loks verið gefið grænt ljós á íþróttaleiki eftir langa COVID-pásu. Feykir heyrði hljóðið í Árna Eggerti Harðarsyni, þjálfara kvennaliðs Tindastóls í körfubolta, en stelpurnar höfðu spilað þrjá leiki áður en íþróttamót voru sett á pásu í haust. Síðasti leikurinn fór fram 3. október og pásan því ríflega þriggja mánaða löng.
„Umfram allt erum við þakklát fyrir að staðan á faraldrinum sé slík að við fáum að spila aftur,“ segir Árni Eggert. „Liðið er búið að vera virkilega duglegt og meðvitað að passa sig hvert sé verið að fara og hverja er verið að hitta. Persónulegar sóttvarnir og lítill, þéttur hringur af fólki sem er umgengist. Allt liðið veit að ábyrgðin að fá að spila og fá að halda áfram að spila er í höndum allra sem koma að þessu. Það þurfa allir að standa saman í þessu til að þetta gangi upp. Það vill enginn bera ábyrgð á að fresta þurfi leikjum eða jafnvel hætta við mótið. Því síður að smita einhvern sem gæti veikst alvarlega. Vissulega er hægt að smitast hvar sem er en það er hægt að lágmarka líkurnar með því að fara eftir fyrirmælum og beita skynseminni. Með þetta að leiðarljósi er liðið að gera sitt til að halda aftur af þessum andstæðing.“
Tindastólsliðið fór ekki vel af stað í haust, unnu fyrri leikinn gegn Vestra í tvíhöfða en fengu óvænt bakslag í síðari leiknum. Liðið tapaði síðan leik í Grindavík áður en öllu var frestað.
„Fyrsti leikurinn í endurræsingunni er núna á laugardaginn og það er óhætt að segja að það sé mikil eftirvænting í liðinu. Síðan við fengum að byrja að æfa aftur hefur dugnaðurinn og vinnusemin verið til fyrirmyndar. Liðið er spennt að fá að sýna hvað við höfum lært og hvað við getum. Byrjunin var ekki okkur að skapi og við ætlum að sýna meira og betra núna. Við ætlum að gera Skagfirðinga nær og fjær stolta af liðinu sínu,“ segir Árni.
Ljóst er að fyrst um sinn verður stuðningsmönnum ekki leyft að mæta á pallana og segir Árni Eggert það skiljanlegt. „Við hvetjum samt alla til að nýta tæknina og fylgjast með á Tindastóll TV. Þótt við sjáum ykkur ekki þá finnum við stuðninginn.“
Á morgun, laugardaginn 16. janúar kl. 16, spila stelpurnar fyrsta leik sinn síðan í upphafi október en þá kemur sameiginlegt lið Hamars/Þórs í heimsókn í Síkið. Leikurinn verður sem fyrr segir sýndur á TindastóllTV. Áfram Tindastóll!
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.