Landsmót SAMFÉS fer fram á Blönduósi um helgina
Dagana 3.–5. október verður Landsmót Samfés haldið á Blönduósi. Samkvæmt frétt Húnahornsins má búast við að um 360 ungmenni frá 80 félagsmiðstöðvum leggi leið sína til Blönduóss, auk 80 starfmanna mótsins. Landsmót Samfés, sem haldið er að hausti ár hvert, var haldið í fyrsta sinn á Blönduósi 1990 þar sem 25 aðildarfélagar Samfés komu saman. Þetta er því í 35. sinn sem mótið er haldið og ríkir mikil eftirvænting í bænum og á meðal þátttakenda.
Á mótinu verður líf og fjör á Blönduósi og Skagaströnd þegar ungmenni hittast til skemmtunar, náms og lýðræðislegrar þátttöku.
Dagskrá Landsmótsins er skipt í þrjá meginþætti:
- Smiðjur: Alls verða um 20 smiðjur haldnar á Blönduósi og Skagaströnd. Þar fá þátttakendur að fræðast, skapa og deila hugmyndum sem þau taka með sér heim í sínar félagsmiðstöðvar.
- Félagslíf: Lögð er áhersla á að ungmennin kynnist nýju fólki, styrki vináttutengsl og hafi gaman saman.
- Landsþing ungs fólks: Lokadagur mótsins er tileinkaður lýðræðislegri umræðu. Ungmennaráð Samfés sér um undirbúning þingsins þar sem þátttakendur ræða málefni sem skipta þau máli og samþykkja ályktanir sem sendar verða áfram til ráðuneyta, sveitarfélaga, fjölmiðla og aðildarfélaga Samfés.
Á Landsmótinu fer einnig fram lýðræðisleg kosning í Ungmennaráð Samfés, sem er málsvari ungs fólks innan samtakanna. Kosið er í öllum níu kjördæmum landsins, tveir fulltrúar úr hverju kjördæmi. Þeir sitja annaðhvort til eins árs eða tveggja, þannig að ráðið er skipað alls 27 fulltrúum á aldrinum 13–16 ára.
Ungmennaráð gegnir lykilhlutverki í því að miðla niðurstöðum Landsþings og tryggja að raddir ungs fólks heyrist í samfélaginu.
Þegar svona margir unglingar koma saman skapast sérstök stemning. Það verður því líf og fjör á Blönduósi og Skagaströnd um helgina. Íbúar eru hvattir til að taka vel á móti öllum sem sækja Landsmót Samfés um helgina.
Heimild: Húni.is
Fleiri fréttir
-
Engir drónar og engin verkföll að trufla Tindastólsmenn
feykir.is Skagafjörður, Íþróttir, Lokað efni 21.10.2025 kl. 14.19Eins og Feykir sagði frá í morgun þá fóru Stólarnir halloka í Evrópuleik sínum í Tékklandi í gær og töpuðu með 28 stiga mun. Fátt gekk upp og Skagfirðingarnir ekki sólarmegin í lífinu þennan mánudaginn. Feykir spurði Pétur fyrirliða Birgisson hvernig á því stóð að menn fundu ekki fjölina sína. „Það er örugglega margt sem spilar þarna inn í, við hittum á lélegan leik og þeir hitta á góðan leik,“ sagði Pétur.Meira -
Þróun og framtíðarhorfur íbúðamarkaðar og byggingarmála á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 21.10.2025 kl. 14.18Miðvikudaginn 22. október verður haldinn opinn fundur um þróun og framtíðahorfur íbúðarmarkaðar á Norðurlandi vestra. Fundurinn verður haldinn í húsakynnum HMS, Ártorgi 1 á Sauðárkróki, kl. 15 og er opinn öllum. Að fundinum standa HMS, Tryggð byggð og Samtök sveitarfélaga á Norðurlandi vestra.Meira -
Gullskórinn var afhentur í Húnaskóla í byrjun október
feykir.is Austur-Húnavatnssýsla, Mannlíf, Lokað efni 21.10.2025 kl. 14.04Verkefninu Göngum í skólann lauk í Húnaskóla á Blönduósi þann 3. október sl. með glæsilegri verðlaunaafhendingu. Á heimasíðu skólans segir að allir nemendur og starfsfólk skólans hafi komið saman fyrir utan skólann til að fagna árangri verkefnisins og afhenda hinn eftirsótta Gullskó.Meira -
Auglýst eftir nýjum rekstararaðilum fyrir Bifröst
feykir.is Skagafjörður, Listir og menning, Lokað efni 21.10.2025 kl. 13.35Á fundi sveitarstjórnar Skagafjarðar í síðustu viku kom fram að núverandi rekstraraðilar félagsheimilisins Bifrastar á Sauðárkróki muni ekki endurnýja samning um reksturinn en samningurinn rennur út nú í lok árs. Á fundinum fóru fram umræður varðandi félagsheimilið gamla sem byggt var árið 1925, og er því 100 ára í ár, en hefur að sjálfsögðu gengið í gegnum stækkanir og breytingar í gegnum árin. Má reikna með breytingum framundan með tilkomu nýs menningarhúss.Meira -
Tindastólsmönnum kippt niður á jörðina í Tékklandi
feykir.is Skagafjörður, Íþróttir, Lokað efni 21.10.2025 kl. 10.20Tindastólsmenn voru keyrðir niður í jörðina í gær þegar þeir heimsóttu Opava í Tékklandi en í bænum búa um 55 þúsund manns. Leikið var í Opava-höllinni og voru heimamenn yfir frá fyrstu körfu til hinnar síðustu og unnu sterkan sigur, 95-68.Meira
