Nemendur tóku snið og saumuðu sér náttbuxur
feykir.is
Austur-Húnavatnssýsla, Mannlíf
05.04.2024
kl. 13.38
Handagangur í öskjunni hjá nemendum Höfðaskóla. MYNDIR: HÖFÐASKÓLI.IS
Í þessari viku hafa nemendur í 8.-10. bekk Höfðaskóla á Skagaströnd verið í list- og verkgreinaviku þar sem áherslan hefur verið á textíl. Fram kemur í föstudagspistli á heimasíðu skólans að nemendur hafi staðið sig mjög vel en þau hafa lært listasögu, farið í Textílmiðstöðina í Húnabyggð og tekið snið og saumað sér náttbuxur.
Þá kom skólahópur leikskólans í heimsókn í Höfðaskóla í vikunni. „Þær heimsóknir eru alltaf skemmtilegar og gaman þegar meira líf kemur í húsið,“ segir í pistlinum en nemendur Höfðaskóla eru nú 63.
Að sögn Söru Diljár Hjálmarsdóttur skólastjóra þá voru móttökurnar frábærar í Textílmiðstöðinni en þangað fóru nemendur í nokkrum hollum. Sjá má nokkrar myndir frá heimsókninni hér að neðan. Enn fleiri myndir má finna á heimasíðu Höfðaskóla >
Fleiri fréttir
-
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.