Það er baulað mikið núna...
Það er öskudagur í dag og út um allar koppagrundir má sjá mislangar halarófur af börnum röltandi með poka. Gömlu góðu öskupokarnir sjást reyndar sjaldnast lengur en nú eru það plast- eða bakpokar sem duga vel undir nammi eða aðrar þær gjafir sem börnin fá í skiptum fyrir sönginn.
Það viðrar vel á Norðurlandi vestra, bjart og nokkuð stillt en býsna kalt. Víðast hvar fara þessi vöruskipti fram fyrir hádegi en í flestum, ef ekki öllum, þettbýliskjörnum hér á Norðurlandi vestra er dagskrá eftir hádegi eða seinni partinn í dag þar sem eitthvað verður til gamans gert. Þannig stendur til að mynda foreldrafélag Árskóla á Sauðárkróki fyrir öskudagsskemmtun í íþróttahúsinu með karamelluregni og ketti í tunnu, foreldrafélag leik- og grunnskóla á Skagaströnd heldur öskudagsball í félagsheimilinu og á Blönduósi verður Grímuball Húnaskóla í félagsheimilinu. Þar verður marserað og dansað og kötturinn sleginn úr tunnunni að gömlum sið.
En semsagt, það má reikna með því að sungið verði um Bjarnastaðabeljurnar og Gamla Nóa langt fram eftir degi...
Fleiri fréttir
-
Oceane sá um lið Ármanns í síðari hálfleik
feykir.is Skagafjörður, Íþróttir, Lokað efni 18.02.2026 kl. 09.36Síðasta umferðin í venjulegri riðlakeppni Bónus deildar kvenna fer fram nú í vikunni. Lið Tindastóls hélt suður í gær og spilaði við annað botnliða deildarinnar, Ármann. Niðurstaðan var öruggur sigur Stólastúlkna sem áttu að vísu herfilegan annan leikhluta sem varð til þess að lið Ármanns var sjö stigum yfir í hálfleik. Í síðari hálfleik gekk flest upp hjá okkar stúlkum og lokatölur 59-78.Meira -
Byggðasafn Húnvetninga og Strandamanna hlaut styrki frá Safnaráði
feykir.is Vestur-Húnavatnssýsla, Lokað efni 18.02.2026 kl. 09.11Á dögunum fékk Byggðasafn Húnvetninga og Strandamanna úthlutað veglegum styrkjum frá Safnaráði. Í frétt á vef Húnaþings vestra segir að verkefnin sem hlutu styrk að þessu sinni voru Héraðsskólinn að Reykjum, endurskipulagning til varðveislu og varðveisla kvenbúnings. Um er að ræða þrjú ólík verkefni.Meira -
Sátu fastir tæpum 20 km frá byggð
feykir.is Skagafjörður, Lokað efni 18.02.2026 kl. 08.52Í gærkvöldi aðstoðuð björgunarsveitamenn fólk sem hafði setið fast uppi í Mælifellsdal í Skagafirði í nokkra klukkutíma. Þurfti fólkið að ganga tæpa 10 km í allt að 18 stiga frosti til að komast í símasamband og fá aðstoð. „Gekk björgunin vel og héldu ferðalangarnir áfram með bros á vör en frekar kaldir,“ segir í tilkynningu á Facebook-síðu Flugbjörgunarsveitarinnar í Vamahlíð en félagar þaðan voru fyrstir á vettvang.Meira -
Útlit fyrir hið dægilegasta öskudagsveður
feykir.is Skagafjörður, Austur-Húnavatnssýsla, Vestur-Húnavatnssýsla 17.02.2026 kl. 14.33Í fréttum hefur verið greint frá því að það bæti í vind sunnan- og vestanlands nú síðdegis og reiknað með að það geti snjóað töluvert á suðausturlandi. Eins og oft áður í vetur virðist Norðurland vestra sleppa við þessar væringar í veðrinu. Eina sem við þurfum að hafa áhyggjur af næsta sólarhringinn er að klæða af okkur kuldann ef hugmyndin er að skjótast í göngutúr því það eru sæmilegustu kuldatölur í kortunum eða hátt í mínus 20 gráður í Skagafirði hið minnsta.Meira
