Uppskrift að góðu kvöldi með vinum

feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 22.09.2018 kl. 10.11 frida@feykir.is
Matgæðingarnir Ásdís Ýr og Jón Kristófer. Aðsend mynd.
Matgæðingarnir Ásdís Ýr og Jón Kristófer. Aðsend mynd.

Ásdís Ýr Arnardóttir og Jón Kristófer Sigmarsson á Hæli í Húnavatnshreppi voru matgæðingar vikunnar í 35. tbl. Feykis 2016. Þau gáfu lesendum uppskriftir að fiskisúpu, ærfille og karamellupönnsum.
„Fiskisúpa, ærfille og karamellupönnsur eru uppskrift að góðu kvöldi með vinum, einfaldar uppskriftir sem geta ekki klikkað. Við á Hæli erum gjarnan með gesti og vinnufólk og því er oft mannmargt í mat hjá okkur, eldhúsborðið tekur 16 manns í sæti svo nauðsynlegt er að geta tvöfaldað eða jafnvel þrefaldað uppskriftir án þess að það sé of mikið vesen. Auðvelt er að gera fiskisúpuna matarmeiri með því að bæta við fiski. Ærfille er herramannsmatur hvort sem það er steikt eða grafið og pönnukökurnar bæta nýtísku ívafi við annars þjóðlegan rétt. Pönnukökurnar einar og sér væru líka góðar í saumaklúbbinn."

Fiskisúpan á Hæli

  • 1 laukur
  • 1 rauð paprika
  • 1 appelsínugul paprika
  • 1 púrrulaukur
  • 100 g hörpuskel
  • 100 g rækjur
  • 200 g þorskur/ýsa
  • 100 g bleikja/lax
  • 2 lítrar vatn
  • 1 matreiðslurjómi
  • 125 g rjómaostur
  • 1 flaska Chilli Heinz tómatsósa
  • 1 teningur fiskikraftur
  • 2 tsk karrí
  • salt
  • pipar

Laukur, paprikur og púrrulaukur er skorið smátt og svissað í potti með smjöri. Þegar grænmætið er orðið mjúkt er karríi bætti við sem og vatni, chilli sósu og fiskikrafti. Þegar suðan kemur upp er rjómaosti og matreiðslurjóma bætt við. Súpan er svo smökkuð til með salti og pipar – og jafnvel meira karríi. Rétt áður en súpan er borin fram er fiskurinn skorinn smátt og settur út í súpuna, fyrst fiskurinn, svo hörpuskelin og svo rækjurnar. Gætið þess að láta súpuna ekki sjóða eftir að sjávarfangið fer út í svo það ofeldist ekki.

Borið fram með þeyttum rjóma og heimabökuðu brauði.

Ærfille fyrir 4

  • 800 g ærfille
  • 1 tsk salt
  • 1 tsk svartur pipar
  • 1 tsk timian (þurrkað)
  • 4 hvítlauksgeirar
  • 4 msk ólífuolía

Fille er skorið í hæfilega stórar steikur, u.þ.b. 5 cm. Hvítlaukur er rifinn á rifjárni eða í hvítlaukspressu og settur í plastpoka með olíu, salti, pipar, timan og kjötinu. Lokið pokanum og nuddið marineringunni vel í kjötið. Látið standa í 1-2 klst.

Kjötið er snöggsteikt á mjög heitri pönnu, 1 mín. á hvorri lið. Passið að setja ekki of mikið á pönnuna í einu svo kjötið soðni ekki. Steikt fille er svo sett í ofn við 180°C án blásturs í 5 mínútur. Látið kjötið standa í nokkrar mínútur áður en það er skorið.

Borið fram með góðu salati, uppáhalds sósunni og góðum kartöflum.

Pönnukökur með rjóma, heimalagaðri karamellu og ávöxtum

  • 4 dl hveiti
  • ½ dl sykur
  • 1 tsk lyftiduft
  • ¼ tsk salt
  • 1 tsk vanilludropar
  • 2 egg
  • 50 g bráðið smjörlíki
  • mjólk til að þynna deigið

Blandið þurrefnum saman og bætið síðan eggi, smjörlíki, vanilludropum og mjólk saman við þar til deigið hefur náð hæfilegri þykkt. Steikið eins og hefðbundnar pönnukökur. Látið kólna og útbúið karamellusósuna á meðan.

Karamellusósa

  • 1 dl sýróp
  • 1 dl rjómi
  • 1 dl sykur
  • 1 tsk vanilludropar
  • 1 tsk smjör

Sýróp, rjómi og sykur er látið malla í potti við vægan hita í um 30 mínútur eða þar til karamellan er hæfilega þykk. Setjið vanilludropa og smjör út í og takið af hellunni.

  • Þeyttur rjómi
  • Ávextir eða ber

Setjið rjóma og ávexti eða ber á hverja pönnuköku eins og þið væruð  með týpíska rjómapönnsu. Karamellusósunni er svo hellt yfir hverja pönnuköku.

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Skagamenn gera fyrsta markið eftir 34. mínútna leik og Tindastólsmenn frekar svekktir en þeir gerðu vel í dag. SKJÁSKOT

    Skagamenn höfðu betur gegn Stólum í bikarnum

    feykir.is Skagafjörður, Íþróttir 25.04.2024 kl. 21.04 oli@feykir.is
    Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.
    Meira
  • Eftir harðar samningaviðræður var ákveðið að þetta yrði myndin sem fylgdi viðtalinu; Brynja Líf (7) skorar og kemur liði Tindastóls yfir á lokaskúndum framlengingar og liðsfélagar hennar fagna með henni. Fleiri frábærar myndir Davíðs Más úr síðasta leiknum gegn Snæfelli má sjá hér að neðan. MYNDIR: DAVÍÐ MÁR

    Erum allar ready í alvöru seríu - segir Brynja Líf

    feykir.is Skagafjörður, Íþróttir, Ljósmyndavefur 25.04.2024 kl. 14.22 oli@feykir.is
    Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.
    Meira
  • Kvenfélagskonur úr Austur-Húnavatnssýslu fögnuðu tímamótunum. MYNDIR AÐSENDAR

    Kvenfélag Svínavatnshrepps hélt upp á 150 ára afmælið með kökuveislu af gamla skólanum

    feykir.is Austur-Húnavatnssýsla, Mannlíf 25.04.2024 kl. 13.43 oli@feykir.is
    Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.
    Meira
  • Það styttist vonandi í svona sumarstemningu. Sveitt mistur á vestanverðum Skaga með sýn yfir á Strandir. MYND: ÓAB

    Gleðilegt sumar

    feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55 oli@feykir.is
    „Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.
    Meira
  • Hér má sjá stjórn, eigendur og starfsmenn fyrirtækisins á Íslandi saman á góðri stund. Kjartan Hallur er lengst til vinstri á myndinni.

    Giggó-appið snýst um að bjarga sér | Spjallað við Kjartan Hall

    feykir.is Skagafjörður, Mannlíf, Lokað efni 25.04.2024 kl. 10.38 oli@feykir.is
    Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.
    Meira
Yfirlit frétta