Rabb-a-babb 162: Leó Örn
Nafn: Leó Örn Þorleifsson.
Árgangur: 1975.
Fjölskylduhagir: Giftur Ölmu Láru Hólmsteinsdóttur og saman eigum við fjögur börn og einn hund.
Búseta: Hvammstangi.
Hverra manna ertu og hvar upp alinn: Foreldrar mínir eru Akureyringarnir. Þorleifur Leó Ananíasson og Ingveldur Brimdís Jónsdóttir. Ég er fæddur og upp alinn á Akureyri en flutti suður til háskólanáms þegar ég var 25 ára gamall og á Hvammstanga að námi loknu þar sem ég hef búið í að verða 12 ár.
Starf / nám: Forstöðumaður Fæðingarorlofssjóðs / lögfræðingur.
Hvað er í deiglunni: Að njóta íslenska sumarsins og fara svo með fjölskyldunni til Flórída í haust.
Hvernig nemandi varstu? Ætli það megi ekki segja að ég hafi látið kennarana vinna fyrir kaupinu sínu.
Hvað er eftirminnilegast frá fermingardeginum? Vínrauði mittislindinn og slaufan sem ég var með í stíl við rauðu broddana mína.
Hvað ætlaðir þú að verða þegar þú yrðir stór? Atvinnumaður í handbolta.
Hvað var uppáhalds leikfangið þitt þegar þú varst krakki? Ég lék mér aðallega með bolta, bæði handbolta og fótbolta, en einnig playmo og tindáta.
Besti ilmurinn? Af bolta með harpixi á. Vekur upp góðar minningar.
Hvað varstu að hlusta á þegar þú fékkst bílprófið? Af erlendum hljómsveitum voru það Pearl Jam, Nirvana, R.E.M og U2 en af íslenskum Ný dönsk, SSSól og Sálin.
Hvernig slakarðu á? Í heitu baði.
Hverju missirðu helst ekki af í sjónvarpinu? Góðum norrænum sakamálaþáttum.
Besta bíómyndin? Schindler´s List – hún hreyfir alltaf við manni.
Hvaða íþróttamanni hefurðu mestar mætur á? Ég hafði miklar mætur á Duncan Ferguson fyrrum sóknarmanni Everton sem gaf aldrei tommu eftir á vellinum. Í dag er það Gylfi Sigurðsson leikmaður Everton.
Hvað gerir þú betur en allir aðrir á þínu heimili? Flokka ruslið.
Hvert er snilldarverkið þitt í eldhúsinu? Er frekar slappur í eldhúsinu en nokkuð liðtækur þegar kemur að því að grilla.
Hættulegasta helgarnammið? Snakk.
Hvernig er eggið best? Spælt öðru megin og með stökku beikoni.
Hvað fer mest í taugarnar á þér í fari þínu? No comment.
Hvað fer mest í taugarnar á þér í fari annarra? Óheilindi og leti.
Uppáhalds málsháttur eða tilvitnun? Hverjum þykir sinn fugl fagur.
Hver er elsta minningin sem þú átt? Ein af þeim gömlu góðu er þegar móðurfjölskyldan mín hittist á sunnudögum hjá ömmu og afa í kaffi og kökum og horfði svo saman á Húsið á sléttunni eða Grenjað á gresjunni.
Hvaða fræga manneskja mundir þú helst vilja vera? Gylfi Sigurðsson knattspyrnumaður því þá væri ég að fara spila fyrir Ísland á HM í fótbolta. Það væri geggjað.
Hver er uppáhalds bókin þín og/eða rithöfundur? Íslandsklukkan eftir Halldór Kiljan Laxness. Hún er einfaldlega meistaraverk.
Orð eða frasi sem þú notar of mikið? … nú jæja.
Hvaða þremur persónum vildirðu bjóða í draumakvöldverð? Þeim bræðrum Gísla, Eirík og Helga. Það gæti orðið áhugaverð kvöldstund.
Ef þú gætir farið til baka í tímann, hvert færirðu? Ég færi til Grikklands hins forna til að upplifa mótun og upphaf vestrænnar menningar.
Hver væri titillinn á ævisögu þinni? „Geng sáttur frá borði“
Framlenging:
Ef þú gætir hoppað upp í flugvél og réðir hvert hún færi, þá færirðu... til Rússlands á HM í fótbolta.
Bucket list spurningin: Nefndu eitthvað þrennt sem þér finnst þú mega til að gera áður en þú gefur upp öndina: Ferðast um Grikkland, fara á leik með Everton og læra að fljúga flugvél.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.