Rabb-a-babb 187: Kristín
Nafn: Kristín Guðmundsdóttir.
Árgangur: 1979.
Fjölskylduhagir: Maður og fjögur börn.
Búseta: Hvammstangi.
Hverra manna ertu og hvar upp alin/n: Dóttir Ragnheiðar og Guðmundar. Alin upp lengst af í Reykjavík.
Starf / nám: Garðyrkjubóndi og garn-litari. Lærður vefhönnuður samt.
Hvað er í deiglunni: Sá og planta í Skrúðvangi gróðurhúsi og halda áfram að byggja upp Vatnsnes Yarn.
Rabbið:
Hvernig nemandi varstu? Meðalnemandi. Hefði örugglega gert betur væri ég ekki svona sveimhuga.
Hvað er eftirminnilegast frá fermingardeginum? Fruntalega ljót fermingarfötin og hittingur vinanna um kvöldið.
Hvað ætlaðir þú að verða þegar þú yrðir stór? Bóndi lengst af. Þar á eftir og ennþá, er það ekki ákveðið.
Hvert var uppáhalds leikfangið þitt þegar þú varst krakki? Brúni bangsinn minn, blöðin og litirnir.
Besti ilmurinn? Af nýslegnu.
Hvar og hvenær sástu núverandi maka þinn fyrst? Útum gluggann á Hvammstangabrautinni. Rafmagnað móment.
Hvað varstu að hlusta á þegar þú fékkst bílprófið? Pearl Jam og fleira í grunge geiranum.
Hvernig slakarðu á? Með því að gera eitthvað sem mér finnst vera skemmtilegt.
Hverju missirðu helst ekki af í sjónvarpinu? Ahh.. horfi ekki á sjónvarp, er frekar í einhverju þáttaglápi. Friends anyone?
Besta bíómyndin? Horton hears a Who. Því mér líkar textinn í myndinni. Og svo er hún skemmtileg.
Hvaða íþróttamanni hefurðu mestar mætur á? Ég fylgist ekkert með íþróttum en allir sem sýna æðruleysi þrátt fyrir að vera bæði ákveðin, staðföst og með skýrt markmið sem unnið er að, eiga aðdáun mína.
Hvað gerir þú betur en allir aðrir á þínu heimili? Virðist vera með ósýnilegan en mjög powerful radar á hvar allt er að finna. Fólk flykkist að mér eins og mý að mykjuskán til að fá að njóta þessarar snilligáfu.
Hvert er snilldarverkið þitt í eldhúsinu? Skúffukakan.
Hættulegasta helgarnammið? Helgarnammi?.. Alla daga M&M. Er að reyna að hætta.
Hvernig er eggið best? Hrært.
Hvað fer mest í taugarnar á þér í fari þínu? Fljótfærnin. Hún er reyndar bæði kostur og galli.
Hvað fer mest í taugarnar á þér í fari annarra? Undirförult fólk og fólk sem getur ekki verið einlægt.
Uppáhalds málsháttur eða tilvitnun? Aldrei er ein báran stök. Af því að það er satt.
Hver er elsta minningin sem þú átt? Bláir strigaskór með hvítri rönd sem ég fékk þegar ég var um 4 ára.
Þú vaknar einn morgunn í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera? Jón Jónsson, ég myndi vera glöð og syngja allan daginn.
Hver er uppáhalds bókin þín og/eða rithöfundur? Brené Brown og allar bækurnar hennar. Vegna þess að ég hef mikinn áhuga á mannlegu eðli.
Orð eða frasi sem þú notar of mikið? Glimrandi.
Hvaða þremur persónum vildirðu bjóða í draumakvöldverð? Ragnhildi Gísla, Páli Óskari og Elizabeth Gilbert. Ég myndi biðja þau að kenna mér allt sem þau kunna.
Ef þú gætir farið til baka í tímann, hvert færirðu? Í skógræktina fyrir ofan bóndabæinn ömmu og afa (Breiðabólsstaður í Ölfusi). Man ekki eftir að hafa komist í aðra eins ró og nánd við náttúruna og þá.
Hver væri titillinn á ævisögu þinni? Flutningarnir.
Framlenging:
Ef þú gætir hoppað upp í flugvél og réðir hvert hún færi, þá færirðu… Gefið að nú er búinn að vera vetur í hundrað ár, þá myndi ég fara til heitra landa.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.