75 ára afmælishátíð Byggðasafns Skagafjarðar á annan í hvítasunnu
Byggðasafn Skagafjarðar fagnar 75 ára afmæli mánudaginn 29. maí og í tilefni af því verður blásið til afmælishátíðar í Glaumbæ þann sama dag frá kl. 14:00 til 17:00. Það verður heldur betur þétt dagskrá fyrir sem hentar bæði ungum og öldnum til dægrastyttingar á annan í hvítasunnu.
„Smáframleiðendur verða með gómsætar veitingar og býðst ungum gestum að fara á hestbak á hestum frá Syðra-Skörðugili. Prúðbúnar Pilsaþytskonur verða á svæðinu, Margrét á Mælifellsá spinnur úr hrosshári við kveðskap Hilmu Bakken í Kvæðamannafélaginu Gná. Helgi Sigurðsson sýnir handtök við torfhleðslu, Bjössi Sighvatz, Jón Egill og Guðmundur Stefán sýna eldsmíði og eigendur íslenskra fjárhunda verða með okkur.“ Segir í tilkynningu frá Byggðasafninu.
Dansfélagið Vefarinn mun stíga á stokk og taka nokkra dansa á milli kl. 15:00 og 15:30 en það er félagsskapur hressra manna og kvenna frá Akureyri og nágrenni sem hefur þann megintilgang að sýna Íslenska þjóðdansa og aðra sýningadansa.
Skagfirski Kammerkórinn mætir síðan klukkan 16:00 og syngur nokkur lög en hann þarf vart að kynna frekar.
Þrjár nýjar sýningar verða opnaðar afmælishátíðinni. Í Áshúsi verður sýningin „Byggðasafn Skagfirðinga í 75 ár“ og í Gilstofu verður skráning Byggðasafnsins á skagfirskum torfhúsum undir yfirskriftinni „Hér stóð bær“ ásamt því að sögu Gils- og Briemsstofu verður gerð skil.
„Þetta og fleira á afmælishátíðinni. Komið og eigið skemmtilegan sumardag með okkur! Hlökkum til að sjá ykkur í Glaumbæ!
Aðgangur ókeypis fyrir alla safngesti á meðan á viðburðinum stendur.
Viðburðurinn er styrktur af safnasjóði.“
/SMH
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.