Ákvörðun tekin um að stytta lokun Endurhæfingarsundlaugar HS
Til stóð að loka Endurhæfingarsundlaug HS frá 2. júní til og með 17. ágúst, eins og fram kom í frétt sem birt var á Feyki.is í síðustu viku, en hefur sú ákvörðun nú verið endurskoðuð að sögn Hafsteins Sæmundssonar forstjóra HS. „Við höfum, vegna óska þar um, ákveðið að stytta þann tíma sem lokað verður í sundlaug í sumar og miða lokun við þann tíma sem óhjákvæmilegur er vegna framkvæmda.“
Endurhæfingin og sundlaugin á Heilbrigðisstofnuninni hefur mikið verið í umræðunni undanfarið en að sögn Hafsteins hefur starfsfólki verið fækkað þar á undangengnum árum. Skýringuna segir hann að mestu liggja í því að þar hafi sjúkrarýmum verið fækkað úr 15 í 8 og hjúkrunarrýmum úr 56 í 41.
„Sjúkraþjálfarar okkar og aðrir starfsmenn endurhæfingar hafa fyrst og fremst sinnt íbúum á hjúkrunarheimili og sjúklingum í sjúkrarýmum. Það er því ekki óeðlilegt að umsvif í endurhæfingu hafi minnkað. Samt sem áður vil ég fullyrða það að HS veitir betri þjónustu á þessu sviði en gengur og gerist annars staðar,“ segir Hafsteinn í samtali við Feyki.
Hann segir víða hafa verið þrengt að í rekstri stofnunarinnar á undangengnum sex árum og fólki fækkað umtalsvert á þeim tíma. „Það er víða sem við þyrftum að geta gert betur í mönnun en nú er en því miður leyfir fjárhagurinn það ekki. Skóinn kreppir víða í stofnuninni en það er ekki fyrst og fremst í starfsemi endurhæfingar sem það er og því er það undarlegt að umræðan snúist fyrst og fremst um þennan þátt starfseminnar sem er lítið brot af starfi okkar í heild.
Hjá okkur starfa nú einungis þrír fastráðnir læknar en þeir hefðu þurft að vera fimm og ekki hefur borist nein umsókn í lausar stöður lækna þrátt fyrir auglýsingar þar um. Við erum knöpp í mönnun á hjúkrunar- og sjúkradeildum og má ekkert út af bera þar. Við hefðum gjarnan viljað veita betri þjónustu á sviði sálgæslu og geðlækninga. Ég get talið fleira til sem hefði verið æskilegt að þjónusta íbúa Skagafjarðar um en við getum ekki, eins og er, boðið upp á.“
Hafsteinn segir vonir standa til að nú verði Heilbrigðisstofnuninni úthlutað nokkrum hjúkrunarrýmum í viðbót og væntir hann þess að það muni bæta afkomu stofnunarinnar í heild þótt það dugi ekki án frekari aðhaldsaðgerða til að koma rekstrinum í jafnvægi. Áfram verður haldið úti starfsemi í Endurhæfingarhúsi, bæði í sundlaug og æfingasal, og segist hann telja hana þokkalega mannaða þrátt fyrir niðurskurð.
Fleiri fréttir
-
Eitthvað smávegis á góðan stað
feykir.is Skagafjörður, Mannlíf, Lokað efni 01.07.2025 kl. 19.44Tónleikarnir Græni salurinn fóru fram síðastliðið föstudagskvöld og vel tókst til að venju en tónleikarnir að þessu sinni voru tileinkaðir minningu listamannsins Gísla Þórs Ólafssonar (Gillons). Þegar tilfallandi kostnaður við tónleikahaldið hafði verið gerður upp var einhver afgangur eftir og í dag fóru tónleikahaldarar og færðu fjölskyldu Gísla það sem út af stóð.Meira -
Bikarkeppni Frí 2025 á Sauðárkróki um næstu helgi
feykir.is Skagafjörður, Íþróttir, Lokað efni 01.07.2025 kl. 15.40Það verður sprett úr spori, stokkið og kastað á Bikarkeppni Frjálsíþróttasambandsins á Sauðákróksvelli 5 – 6 júlí, sem sagt um næstu helgi. Keppt er í 2. flokkum, kvenna og karla, fullorðnir og 15 ára og yngri.Meira -
Getur þú bætt í þekkingarbrunn um íslenska náttúru? | Jóhann Helgi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.07.2025 kl. 14.18Ísland er auðlindaríkt land, en auðlindirnar sem oft er litið fram hjá í daglegri umræðu eru þær sem felast í gróðri og jarðvegi. Íslensk gróðurvistkerfi hafa sögulega orðið fyrir miklu raski svo sem rofi og því er einstaklega mikilvægt að hlúa að móunum okkar. Til þess er ómetanlegt að eiga góðar myndir af landi svo hægt sé að fylgjast með gangi mála. Þar gætir þú, kæri lesandi, komið sterkur inn. Með þátttöku í verkefninu Landvöktun – lykillinn að betra landi, sem ætlað er að kanna ástand þessara auðlinda og hvernig þær þróast, getur þú bætt í þennan mikilvæga þekkingarbrunn.Meira -
Fjóla fór á grásleppu á Skagafirði
feykir.is Skagafjörður, Mannlíf, Lokað efni 01.07.2025 kl. 11.51Í byrjun júní voru frumfluttir tveir útvarpsþættir á Gömlu gufunni þar sem Króksarinn brottflutti, Fjóla K. Guðmundsdóttir, kynnir sér grásleppuveiði og skellir sér á sjóinn með Guðmundi Hauki frænda sínum, syni Smilla heitins á Þorbjargarstöðum á Skaga og Brynju Ólafsdóttur. Í fyrri þættinum kynnti Fjóla sér undirbúning veiðanna og lærði eitt og annað gagnlegt en í seinni þættinum er haldið út á Skagafjörðinn og grásleppa dregin. Helstu viðmælendur Fjólu eru mæðginin Brynja og Guðmundur og voru samtölin bæði skemmtileg og fróðleg. Eftir að hafa hlýtt á þættina fannst blaðamanni ekki annað hægt en að spyrja Fjólu aðeins út í þáttagerðina og hvernig það var að starfa einn dag sem grásleppukarl.Meira -
Sniglarækt möguleg hliðarbúgrein bænda?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.07.2025 kl. 10.00Fyrir nokkru var Sigurður Líndal forstöðumaður Eims í viðtali á RÚV vegna frétta af því að Eimur hefði fengið styrk úr Lóu nýsköpunarsjóði sem er opinber sjóður til að styrkja nýsköpun á landsbyggðinni. Styrkinn fékk Eimur til að undirbúa kynningar á sniglarækt sem hliðarbúgrein en við hana mætti nýta umframorku og affall af hitaveitu. Einhvers misskilnings hefur gætt um að húnveskir bændur séu komnir á fullt í sniglarrækt. Hið rétta er að verkefnið er á frumstigi.Meira
