Bíódíselstöð að rísa á Sauðárkróki
Framkvæmdir á lóð einni við Borgarteig á Sauðárkróki hafa vakið athygli. Þar mun innan skamms rísa bíódísel stöð á vegum fyrirtækisins Íslensks eldsneytis. Blaðamaður Feykis mælti sér mót við Sigurðs Eiríksson, stjórnarformann fyrirtækisins, og fékk að heyra um áform þeirra og hvað þetta þýddi fyrir hinn skagfirska bíleiganda.
„Við erum bara að byrja með hér með eldsneytissölu, eina af þeim fyrstu úti á landi. Við munum bjóða lítrann á rétt innan við 200 krónur og þetta þýðir því um 40 króna lækkun á lítrann fyrir hvern þann sem ekur um á díselbíl,“ sagði Sigurður þegar blaðamann bar að garði. Engar breytingar þarf að gera á bílunum að sögn Sigurðar. Einnig verður hægt að hlaða rafmagnsbíla á hinni nýju stöð.
Sigurður segir um mánuð í að stöðin verði opnuð. Um er að ræða repjuolíu, sem framleidd er í Keflavík úr innfluttri repju frá Svíþjóð og Holland, en í dag er repja ræktuð á Íslandi í mjög litlum mæli, enda veðráttan ekki sérlega hagstæð til slíkrar ræktunar.
Íslenskt eldsneyti á í samstarfi við Allra Handa rútufyrirtæki í Reykjavík, sem notar nú olíuna á rútur sínar. Verkefnið hefur verið í þróun í eitt og hálft ár í samstarfi við sænskt fyrirtæki, að sögn Sigurðar.
En af hverju Sauðárkrókur?
„Ég er búin að búa lengi erlendis en er svona að færa mig meira og meira hingað,“ segir Sigurður sem á næstunni flyst búferlum á Krókinn og segir að sér líði ákafalega vel að vera þar.“ Hann segir að auk stöðvarinnar sem nú er að rísa standi til að rannsóknarstarfsemin fari fram á Sauðárkróki.
Íslenskt eldsneyti er að þróa vinnslu olíu úr þörungum, en slíkar verksmiðjur þekkjast víða erlendis. Sigurður segir áhuga sinn á verkefninu eiga sér 20 ára aðdraganda. Hann hafði kynnst vinnslu þörunganna þegar hann bjó erlendis. „Og svo borðaði ég söl í æsku, þannig byrjar þetta kannski,“ bætir hann við. Sigurður segir jafnframt að koltvísýring, sem víða er mjög aðgengilegur hérlendis, skapi góð skilyrði til vaxtar fyrir þörunganna. Hann segir þó að hér í Skagafirði séu ekki hagstæð skilyrði fyrir ræktun þörunganna, en hann kjósi að rannsóknarvinna fari hér fram.
En er Sigurður bjartsýnn á að takist að kenna Skagfirðingum að skipta út díselolíu fyrir repjuolíu?
„Þetta er langtímaverkefni, við lítum á það þannig, þetta er ekki eitthvað sem skeður einn, tveir og þrír. En ef það er aldrei gert eitthvað nýtt, þá yrðu engar framfarir.“
Fleiri fréttir
-
Eitthvað smávegis á góðan stað
feykir.is Skagafjörður, Mannlíf, Lokað efni 01.07.2025 kl. 19.44Tónleikarnir Græni salurinn fóru fram síðastliðið föstudagskvöld og vel tókst til að venju en tónleikarnir að þessu sinni voru tileinkaðir minningu listamannsins Gísla Þórs Ólafssonar (Gillons). Þegar tilfallandi kostnaður við tónleikahaldið hafði verið gerður upp var einhver afgangur eftir og í dag fóru tónleikahaldarar og færðu fjölskyldu Gísla það sem út af stóð.Meira -
Bikarkeppni Frí 2025 á Sauðárkróki um næstu helgi
feykir.is Skagafjörður, Íþróttir, Lokað efni 01.07.2025 kl. 15.40Það verður sprett úr spori, stokkið og kastað á Bikarkeppni Frjálsíþróttasambandsins á Sauðákróksvelli 5 – 6 júlí, sem sagt um næstu helgi. Keppt er í 2. flokkum, kvenna og karla, fullorðnir og 15 ára og yngri.Meira -
Getur þú bætt í þekkingarbrunn um íslenska náttúru? | Jóhann Helgi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.07.2025 kl. 14.18Ísland er auðlindaríkt land, en auðlindirnar sem oft er litið fram hjá í daglegri umræðu eru þær sem felast í gróðri og jarðvegi. Íslensk gróðurvistkerfi hafa sögulega orðið fyrir miklu raski svo sem rofi og því er einstaklega mikilvægt að hlúa að móunum okkar. Til þess er ómetanlegt að eiga góðar myndir af landi svo hægt sé að fylgjast með gangi mála. Þar gætir þú, kæri lesandi, komið sterkur inn. Með þátttöku í verkefninu Landvöktun – lykillinn að betra landi, sem ætlað er að kanna ástand þessara auðlinda og hvernig þær þróast, getur þú bætt í þennan mikilvæga þekkingarbrunn.Meira -
Fjóla fór á grásleppu á Skagafirði
feykir.is Skagafjörður, Mannlíf, Lokað efni 01.07.2025 kl. 11.51Í byrjun júní voru frumfluttir tveir útvarpsþættir á Gömlu gufunni þar sem Króksarinn brottflutti, Fjóla K. Guðmundsdóttir, kynnir sér grásleppuveiði og skellir sér á sjóinn með Guðmundi Hauki frænda sínum, syni Smilla heitins á Þorbjargarstöðum á Skaga og Brynju Ólafsdóttur. Í fyrri þættinum kynnti Fjóla sér undirbúning veiðanna og lærði eitt og annað gagnlegt en í seinni þættinum er haldið út á Skagafjörðinn og grásleppa dregin. Helstu viðmælendur Fjólu eru mæðginin Brynja og Guðmundur og voru samtölin bæði skemmtileg og fróðleg. Eftir að hafa hlýtt á þættina fannst blaðamanni ekki annað hægt en að spyrja Fjólu aðeins út í þáttagerðina og hvernig það var að starfa einn dag sem grásleppukarl.Meira -
Sniglarækt möguleg hliðarbúgrein bænda?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.07.2025 kl. 10.00Fyrir nokkru var Sigurður Líndal forstöðumaður Eims í viðtali á RÚV vegna frétta af því að Eimur hefði fengið styrk úr Lóu nýsköpunarsjóði sem er opinber sjóður til að styrkja nýsköpun á landsbyggðinni. Styrkinn fékk Eimur til að undirbúa kynningar á sniglarækt sem hliðarbúgrein en við hana mætti nýta umframorku og affall af hitaveitu. Einhvers misskilnings hefur gætt um að húnveskir bændur séu komnir á fullt í sniglarrækt. Hið rétta er að verkefnið er á frumstigi.Meira
