Einn glæsilegasti hópferðabíll landsins á Sauðárkrók
Suðurleiðir á Sauðárkróki fengu afhentan nýjan Setra fólksflutningabíl frá Öskju nú í vor en bílar af þessari tegund hafa löngum þótt vera í miklum metum hjá ökumönnum og rekstaraðilum um heim allan. Tekur Gísli Rúnar Jónsson eigandi Suðurleiða undir það og segir að farþegar hans séu mjög ánægðir að ferðast með bílnum.
Bíllinn er notaður undir hvers konar fólksflutninga sem til falla en hann tekur 51 farþega í sæti og mikið pláss er til staðar fyrir farangur. Allur aðbúnaður fyrir farþega og ökumann eru til mikillar fyrirmyndar, t.d. loftkæling, stillanleg sæti, borð, lesljós, salerni svo eitthvað sé talið. Bætist hann í vænan hóp fólksflutningabíla Suðurleiða sem nú telur 13 bíla. Hjá bílaumboðinu Öskju fengust þær upplýsingar að langt væri síðan nýr Setra bíll hefur verið afhentur af umboði hér á landi og vill Askja óska Gísla Rúnari og hans starfsmönnum til hamingju með einn glæsilegasta hópferðabíl landsins.
Fleiri fréttir
-
Líney og Svavar Knútur með fyrirlestur um félagslega einangrun
feykir.is Skagafjörður 26.01.2026 kl. 14.51Sveitarfélagið býður íbúum Skagafjarðar á áhugaverðan fyrirlestur föstudaginn 30. janúar kl. 17:00 í Húsi Frítímans á Sauðárkróki en þá mæta Líney Úlfarsdóttir sálfræðingur og Svavar Knútur tónlistarmaður og fjalla um félagslega einangrun. Auk þess munu þau taka samtal við fundargesti um bæði þær áskoranir og möguleika sem finnast í samfélaginu í Skagafirði.Meira -
Markalaust jafntefli hjá Stólastúlkum
feykir.is Skagafjörður, Íþróttir, Lokað efni 26.01.2026 kl. 13.27Kjarnafæðimótið í knattspyrnu er enn í fullum gangi og um helgina léku Stólastúlkur við lið Völsungs frá Húsavík í Boganum á Akureyri. Í síðustu viku léku strákarnir aftur á móti við lið Knattspyrnufélags Fjallabyggðar.Meira -
Viðburðavarpið hefur fengið frábær viðbrögð
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 26.01.2026 kl. 10.37„Þetta er hlaðvarp sem ég er búinn að vera með á teikniborðinu nokkuð lengi, ég byrjaði að taka viðtöl sem áttu að fara inn í þetta árið 2022 en þau enduðu á dagskrá Rásar 2 í þáttum sem hétu Útihátíð. Ég ákvað síðan í haust að ýta þessu aftur af stað og fékk minn góða vin og kollega í Háskóla Íslands, Jakob Frímann Þorsteinsson, til að vera með mér í að koma þessu í gang,“ segir Áskell Heiðar Ásgeirsson, sem kennir Viðburðastjórnun við Háskólann á Hólum, þegar Feykir spurði hann út nýtt hlaðvarp, Viðburðavarpið.Meira -
Undirskriftapenninn kominn í fulla notkun hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.01.2026 kl. 09.57Feykir hafði nýverið samband við Aðdáendasíðu Kormáks og Hvatar, sem allt veit um ástand mála í herbúðum knattspyrnuliðs Húnvetninga, og hóf leik á að spyrja hvort lið Kormáks/Hvatar væri að spila einhverja æfingaleik í byrjun árs. „Húnvetningar eru á fullu við að undirbúa tímabilið, en æfingaleikir á þessum árstíma hafa aldrei verið mikið fyrir okkur. Sól Kormáks Hvatar rís í maí og allt fram að því er aukaatriði,“ var svarið.Meira -
Byggðaleiðin: Ákvörðun sem mótar framtíðina | Anna Sigga, Guðrún og Valgerður Freyja skrifa
feykir.is Austur-Húnavatnssýsla, Aðsendar greinar, Vestur-Húnavatnssýsla 26.01.2026 kl. 08.47Flutningskerfi raforku heldur samfélaginu gangandi. Það tryggir að heimili, fyrirtæki og stofnanir um allt land hafi öruggt aðgengi að rafmagni og þess vegna skiptir miklu máli að byggja kerfið upp og þróa áfram; það snýst um bæði orkuöryggi og öryggi þjóðarinnar. Núverandi byggðalína er komin til ára sinna og er flutningur raforku um hana háður miklum takmörkunum. Svigrúm til tengingar nýrra notenda eða framleiðslueininga er nánast ekkert.Meira
