Prinsessukjólarnir í uppáhaldi
Prjónakonan Sandra Halldórsdóttir á Sauðárkróki deildi sýnishornum af verkum sínum í 21. tölublaði Feykis. Hún hefur alltaf haft gaman af hannyrðum og segist ekki geta slakað á nema hafa prjónana í höndunum.
Hve lengi hefur þú stundað hannyrðir?
Ég held ég hafi alltaf haft gaman af hannyrðum bara frá því ég var krakki enda á ég ekki langt að sækja það. Móðuramma mín og -afi hafa alla tíð verið mikið hannyrðarfólk og leitaði ég mikið til þeirra með alls konar hugmyndir. Amma saumaði og heklaði en afi var í bílskúrnum að smíða. Þegar ég var unglingur minnkaði áhuginn mikið og var það ekki fyrr en árið 2009 að ég tók upp prjónana og ætlaði mér að prjóna lopapeysu handa þáverandi kærasta. Ég hafði ekki prjónað frá því ég var í textílmennt í grunnskóla en ég hafði þó góða trú á sjálfri mér. Ég ákvað þó að byrja á aðeins minna stykki og keypti garn í barnapeysu. Ég var nú ekki lengi að ná upp tækninni en lenti þó í smá vandræðum með hvernig ég ætti að tengja ermarnar við bolinn en með mömmu á línunni þá hafðist þetta á þrjóskunni. Ég kláraði peysuna á einni helgi og nú hef ég ekki tölu á þeim peysum sem ég hef prjónað.
Áhuginn á handavinnu varð til þess að ég ákvað að skrá mig í kennaranám við Háskóla Íslands árið 2012 til þess að læra verða textílkennari. Ég útskrifaðist með B.Ed. í fagreinakennslu í grunnskóla árið 2015. Ég byrjaði í mastersnámi til að næla mér í kennsluréttindin en ákvað að taka mér pásu eftir fyrstu önnina og flutti aftur heim í Skagafjörð. Ég lærði þó helling á þessum þremur árum og fékk innsýn í alls konar hannyrðir.
Hvaða handavinnu þykir þér skemmtilegast að vinna?
Ég held ég geti sagt að prjón sé enn í miklu uppáhaldi enda get ég varla slakað á nema hafa prjóna í höndunum. Hönnun og smíði heillar mig reyndar mjög mikið og er aldrei að vita nema ég skrái mig í nám tengt því.
Hverju ertu að vinna að um þessar mundir?
Ég var að enda við að ganga frá þrem lopapeysum og er við það að klára þá fjórðu. Þetta eru nú bara peysur sem ég hef verið að dunda mér við þegar ég á rólega stund en ég er að vinna í að gera upp íbúðina mína sem ég var að eignast.
Hvernig fékkstu hugmyndina?
Ég fæ svo ótal margar hugmyndir og oft á dag að ég bara man ekki hvernig ég fékk hugmyndirnar. Ætli mig hafi ekki bara langað til að prjóna eitthvað og þá urðu til þessar fínu peysur.
Hvaða handverk sem þú hefur unnið ert þú ánægðust með?
Ég held ég sé ánægðust með prinsessukjólana sem ég prjónaði á yngri stelpuna mína þegar hún var aðeins yngri og vildi aldrei vera í neinu nema kjól. Ég gerði nokkra kjóla eftir Disney prinsessunum Elsu og Önnu úr Frozen, Þyrnirós og Garðabrúðu. Þessir kjólar voru í miklu uppáhaldi. Einnig gerði ég löggupeysu fyrir hana á öskudaginn og breytti stúdentshúfunni minni í lögguhatt, - það vakti lukku í búðunum.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
