Samningaviðræður enn lifandi um yfirtöku á rekstri HS
Sameining heilbrigðisstofnana á Norðurlandi var til umræðu á fundi byggðarráðs Svf. Skagafjarðar í morgun en sveitarfélagið hefur átt í viðræðum við heilbrigðisráðuneytið um yfirtöku á rekstri Heilbrigðisstofnunarinnar Sauðárkróki með samningi við Sjúkratryggingar Íslands. Tilkynning ráðherra á ekki að hafa áhrif á samningaviðræður að sögn formanns byggðaráðs.
„Viðræðurnar eru ennþá lifandi og við vonum bara að þessi ákvörðun hafi ekki áhrif á þær. Það er þá ný stefna heilbrigðisráðuneytisins ef svo er, við höfum ekki fengið neinar meldingar um annað en að það sé ennþá í gangi samningaferlið,“ segir Stefán Vagn Stefánsson formaður byggðaráðs í samtali við Feyki.
Stefán segir að í næstu viku megi vænta niðurstaðna úr vinnu sem fór í gang í kjölfar fundar með ráðherra í maí sl. og þá verði væntanlega boðað til annars samningafundar.
„Hann var búinn að gefa það út að hann myndi sameina heilbrigðisstofnanir á Norðurlandi en hann var engu að síður búinn að taka ákvörðun um að það að hann ætlaði í viðræður við okkur um yfirtöku á stofnuninni. Þær viðræður eru enn í gangi, þetta er engin breyting þar á í sjálfu sér.“
Brýnir fyrir stjórnvöldum að hlusta á og virða vilja íbúa
Byggðaráð ályktaði um málið á fundi sínum í morgun og ítrekaði mótmæli sín setningu reglugerðar heilbrigðisráðherra. Ályktunin í heild sinni er svohljóðandi:
„Byggðarráð Sveitarfélagsins Skagafjarðar ítrekar mótmæli sín og harmar setningu reglugerðar heilbrigðisráðherra um sameiningu heilbrigðisstofnana á Norðurlandi. Sameiningin er þvert gegn vilja íbúa Skagafjarðar, enda er algjör óvissa um hvaða þjónustu ný stofnun mun veita þeim.
Sveitarfélagið Skagafjörður er í viðræðum við heilbrigðisráðuneytið um yfirtöku á rekstri Heilbrigðisstofnunarinnar Sauðárkróki með samningi við Sjúkratryggingar Íslands og mikilvægt er að setning reglugerðarinnar hafi ekki áhrif á þær viðræður, sem er ekki lokið.
Byggðarráð brýnir fyrir stjórnvöldum að hlusta á og virða vilja íbúa við setningu laga og reglugerða.“
Fleiri fréttir
-
Loftur frá Kálfsstöðum ein af stjörnum Íslandsmóts
feykir.is Skagafjörður, Íþróttir, Hestar, Vestur-Húnavatnssýsla, Lokað efni 30.06.2025 kl. 11.35Glæsilegu Íslandsmóti í hestaíþróttum lauk í gær með úrslitum í öllum hringvallagreinum. Á vef Landssamband hestamannafélaga, lh.is, segir: „ Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.”Meira -
Verið velkomin á Sturluhátíð 12. júlí í Tjarnarlundi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.23Hin árlega Sturluhátíð, kennd við sagnaritarann mikla, Sturlu Þórðarson, verður haldin annars vegar á Staðarhóli og hins vegar í félagsheimilinu Tjarnarlundi, Saurbæ í Dölum, laugardaginn 12. júlí nk. Hátíðin hefst kl 14 á Staðarhóli, þar sem stóð bær Sturlu Þórðarsonar. Sturlunefndin hefur haft forgöngu um að setja þar upp söguskilti og hafa þau að geyma margvíslegan fróðleik sem í senn tengist sögu staðarins en umfram allt auðvitað Sturlungu.Meira -
Fiskeldi og samfélagsábyrgð | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.16Fiskeldi hefur átt mikinn þátt í þeirri endurreisn sem íbúar Vestfjarða eru að upplifa. Fiskveiðar hafa verið helsta atvinnugrein á svæðinu en þegar aflaheimildir fluttust í stórum stíl til annarra landshluta fækkaði störfum með tilheyrandi áhrifum á byggðaþróun. Frá upphafi 9. áratugarins fækkaði íbúum Vestfjarða mikið eða þangað til að viðsnúningur varð árið 2017. Óumdeilt er að fiskeldið spilar hér lykilhlutverk. Fiskeldi hefur verið mikilvægt fyrir atvinnuuppbyggingu á landsbyggðinni og er líklega ein mikilvægasta byggðaaðgerð síðustu ára.Meira -
Þemasýning um Þórdísi spákonu í Listakoti Dóru
feykir.is Austur-Húnavatnssýsla, Listir og menning, Lokað efni 30.06.2025 kl. 09.38Laugardaginn 5. júlí næstkomandi kl. 13.00 opnar Dóra Sigurðardóttir listakona áhugaverða sýningu í galleríinu sínu Listakoti Dóru á jörð sinni, Vatnsdalshólum í Húnabyggð, aðeins 2 km suður af Hringveginum. Sýningin er opin á opnunartíma Listakots Dóru, frá kl. 13–18 alla daga nema mánudaga en sýningin sjálf stendur til 20. september.Meira -
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira
