Altaristaflan í Sjávarborgarkirkju fór á hliðina
feykir.is
Skagafjörður, Austur-Húnavatnssýsla, Vestur-Húnavatnssýsla
11.11.2026
kl. 14.24
Taflan eins og hún birtist í Feyki. Taflan síðan teinrétt neðst í fréttinni. MYND: SIGRÍÐUR SIGURÐARDÓTTIR
Einhver draugagangur gerði vart við sig rétt áður en Feykir fór í prentun á mánudaginn því ljósmynd af altaristöflu í Sjávarborgarkirkju prentaðist á hlið. Myndin var teinrétt og til mikillar fyrirmyndar í próförk en einhverjir voru hissa þegar blaðið fór að berast áskrifendum í dag.
Beðist er velvirðingar á þessu en það er Feykisfólki hulin ráðgáta hvernig þetta gerðist þó væntanlega sé ofur eðlileg skýring á þessu.
Sigríður Sigurðardóttir sagnfræðingur, sem svaraði að þessu sinni spurningu Feykis um hvaða altaristafla henni þætti merkilegust í kirkjum Skagafjarðar, velti því fyrir sér í léttu spjalli við Feyki hvort hér væri um kraftaverk að ræða.
Það verður að teljast ólíklegt – sennilega bara gömlu góðu óútskýrðu mistökin.
Fleiri fréttir
-
Hægt að greina smáatriði á jörðu niðri á nýjum loftmyndum af Norðurlandi vestra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 11.11.2026 kl. 14.54Nýjar háupplausnar loftmyndir voru teknar af öllum þéttbýlisstöðum á Norðurlandi vestra síðastliðið sumar. Teknar voru meðal annars myndir af Blönduósi, Sauðárkróki, Skagaströnd og Hvammstanga svo nokkrir staðir séu nefndir. Myndirnar hafa nú verið birtar á kortasjám sveitarfélaganna sem hægt er að nálgast á heimasíðum þeirra og á www.map.isMeira -
„Þetta var góður dagur“
feykir.is Austur-Húnavatnssýsla, Ljósmyndavefur, Mannlíf, Lokað efni 11.11.2026 kl. 10.53Laugardaginn 7. nóvember var blásið til mikillar hátíðar á Blönduósi til að fagna 150 ára afmæli bæjarins. Forseti Íslands, frú Halla Tómasdóttir og Björn Skúlason eiginmaður hennar, voru sérstakir gestir í afmælinu.Meira -
Vetrarveður framundan
feykir.is Skagafjörður, Austur-Húnavatnssýsla, Vestur-Húnavatnssýsla 11.11.2026 kl. 09.45Veðurspekingar reikna með norðvestanátt og snjókomu í lok vikunnar. Það er gert ráð fyrir frosttölum svo langt sem spár ná. Veðrið helst skaplegt í dag en það byrjar væntanlega að élja hér á Norðurlandi vestra um hádegi á fimmtudag og bætir svo aðeins í föstudag og laugardag en mestri úrkomu er spáð á sunnudag. Reyndar verður þetta væntanlega ekki eintóm snjókoma því í bland verður boðið upp á slyddu og rigningu.Meira -
Mótmæla skerðingu á framlögum til sóknaráætlana og atvinnuþróunar
feykir.is Skagafjörður, Austur-Húnavatnssýsla, Vestur-Húnavatnssýsla 11.11.2026 kl. 09.21Haustþing Samtaka sveitarfélaga á Norðurlandi vestra samþykkti ályktun gegn fyrirhugaðri skerðingu á framlögum ríkisins til sóknaráætlana og til atvinnuþróunar á vegum landshlutasamtaka sveitarfélaga. Í ályktuninni kemur fram að sóknaráætlanir og atvinnuráðgjöf landshlutasamtaka hafi reynst mikilvægur farvegur fyrir atvinnuuppbyggingu og nýsköpun á landsbyggðinni. Þær skili sér margfalt til baka í formi fjölbreyttara atvinnulífs, betri þjónustu og skilvirkari nýtingar á opinberu fjármagni.Meira
