V-Húnavatnssýsla

Settur hefur verið á laggirnar viðbragðshópur á vegum stjórnvalda vegna erfiðleika sem skapast hafa í landbúnaði vegna kuldatíðar undanfarið. Þar sitja fulltrúar matvæla- og innviðaráðuneyta, Bændasamtakanna, Ráðgjafarmiðstöðvar landbúnaðarins, Almannavarna og lögregluembættanna á Norðurlandi vestra og eystra. Fleiri kunna að koma að verkefninu eftir því sem því vindur fram. Hópurinn fundaði nú í morgun en fyrir liggur að kuldakastið hefur þegar haft verulega neikvæð áhrif á starfsemi bænda, bæði til skemmri og lengri tíma.

Næstkomandi helgi dagana 7.-9. júní verður Prjónagleðin haldin í áttunda sinn í Húnabyggð. Í nýjasta tbl. Feykis birtum við viðtal við Ernu Jónmundsdóttur sem uppalin er í Bolungarvík en hefur búið á Blönduósi í 19 ár með eiginmanni sínum, Róberti Daníel Jónssyni, og þremurbörnum. „Handavinna var sennilega það fag í grunnskóla sem mér fannst leiðinlegast og náði t.d. aldrei tökum á prjónaskap. Tókst með herkjum að prjóna einn nálapúða og svo orm sem var 20 cm langur, byrjaði í 20 lykkjum en endaði í 37! Var sem sagt í laginu eins og kaffipoki áður en hann var saumaður saman.

Lítil og meðalstór fyrirtæki á Íslandi fá aukið aðgengi að 3,2 milljarða króna lánsfé með bakábyrgð á lánum gegnum InvestEU áætlun Evrópusambandsins

Nú er framundan allsherjar prjónagleði á Blönduósi. Hátíð sem hefur skipað sér fastan sess í viðburðadagatali sumarsins í Húnabyggð. Er þetta í áttunda sinn sem hátíðin verður haldin um komandi helgi 7.- 9. júní. Þegar mikið stendur til er nauðsynlegt að taka stöðuna fyrir helginni og heyrði blaðamaður í Svanhildi Pálsdóttur viðburða – og markaðsstjóra Textilsmiðstöðvar Íslands í nýjasta tbl. Feykis. 

Heimsmeistaramót ungra bakara var haldið hér á landi dagana 3.-5. júní en keppnin hefur verið haldin af International Union of Bakers & Confectioners (UIBC) síðan 1972 en það er alþjóðlegt samband fyrir bæði bakara og kökugerðarmenn um allan heim. Hér er á ferðinni stór og mikill viðburður sem Landssamband bakarameistara (LABAK) sjá um og var haldið á Hótel- og matvælaskólanum í Kópavogi. Þetta er ekki bara í fyrsta skipti sem þetta heimsmeistaramót er haldið hér á landi heldur einnig í fyrsta skipti sem eitt af norðurlöndunum heldur mótið en sjö önnur lönd tóku þátt í ár. 

Stórtíðindi á Facebooksíðu Körfuknattleiksdeildar Tindastóls þar sem segir að meistaraflokki kvenna Tindastóls hefur boðist að taka sæti Fjölnis í Subway deild kvenna á næstu leiktíð eftir að stjórn körfuknattleiksdeildar Fjölnis dró liðið úr keppni.

Þau sem hafa áhuga á að rækta grænmeti og ýmislegt annað en vantar aðstöðu ættu að sækja um reit í Garðlönd sveitarfélagsins sem staðsett eru á Nöfunum á Sauðárkróki og við Reykjarhól í Varmahlíð. Í frétt á skagafjordur.is segir að til að sækja um þurfi að senda póst á Kára Gunnarsson á kari@skagafjordur.is en aðstaðan er gjaldfrjáls líkt og verið hefur undanfarin sumur og því tilvalið að nýta þetta flotta framtak Sveitarfélagsins. 

Sveitarstjórnir Skagabyggðar og Húnabyggðar hafa ákveðið að boða til íbúakosninga núna í júní um sameiningu sveitarfélaganna. Að baki þeirri ákvörðun liggur niðurstaða samstarfsnefndar um sameiningu sveitarfélaganna. Sú niðurstaða er að það sé framfaraskref að sameina sveitarfélögin í eitt sveitarfélag og með því verði það öflugt, með sterkari rekstrargrundvöll til að bæta þjónustu við íbúa og hafi aukinn slagkraft. Ég get tekið heilshugar undir þá niðurstöðu. En hvers vegna?

Dagana 15. - 16. júní verða hinir árlegu Sjóvá Smábæjaleikar á Blönduósi. Er þetta í tuttugasta skipti sem þetta mót er haldið en á því er keppt í knattspyrnu í 8., 7., 6. og 5. flokki bæði drengja- og stúlknaflokkum. Mikil stemmning er á þessu móti og hefst keppnin á laugardagsmorgninum og stendur yfir fram á miðjan sunnudag. Íbúar í Húnabyggð og í nærliggjandi bæjarfélögum eru hvattir til að kíkja á ungu kynslóðina spreyta sig með boltann og er ekki spurning að þarna verða á ferðinni upprennandi fótboltastjörnur.

Ein sú sumarlegasta og skemmtilegasta fyrirsögn sem blaðamaður getur gert svona í sumarbyrjun. Veðrið þessa dagana er efni í frétt. Að keyra til vinnu dag eftir í dag í krapa og slabbi sem er þess eðlis að ef þú ekki ætlar að fleyta bifreiðinni utan vegar þá þarftu að aka mjög varlega er fréttnæmt 6. júní.