73 umsóknir hlutu styrk úr Uppbyggingarsjóði Norðurlands vestra
Uppbyggingarsjóður Norðurlands vestra auglýsti í september eftir umsóknum á sviði menningar, atvinnuþróunar og nýsköpunar fyrir árið 2024, með umsóknarfresti til 1. nóvember. Í frétt á vef SSNV segir að alls hafi borist 103 umsóknir þar sem óskað var eftir 221 milljón króna, en til úthlutunar úr sjóðnum fyrir 2024 voru rúmar 79 milljónir króna.
Yfirferð úthlutunarnefndar og fagráða sjóðsins yfir umsóknirnar lauk 5. desember en þá voru niðurstöður sendar til umsækjenda. Alls fengu 73 umsóknir brautargengi, samtals að upphæð 79 millj. kr. Fjármagn Uppbyggingarsjóðsins er hluti af samningi Samtaka sveitarfélaga á Norðurlandi vestra við stjórnvöld um framkvæmd Sóknaráætlunar Norðurlands vestra 2020-2024.
Á sviði atvinnuþróunar og nýsköpunar fékk 21 umsókn styrk, samtals að upphæð 40 millj. kr. Þau verkefni sem hlutu hæstu styrkina í þeim flokki voru: Skógarplöntur - gróðrastöð í Húnaþingi vestra (kr. 4.926.500), Ræktun burnirótar með Aeropnic (kr. 3.795.000), Ný framleiðsluaðferð Sæbjúgu - Losun þungmálma (kr. 4.416.562), Stafræn leiðsögn um sögustaði á Norðurlandi vestra (kr. 2.500.000), Vasareiknir (kr. 2.500.000). Þetta voru þau verkefni sem fengu tvær og hálfa milljón í styrk eða meira.
Á sviði menningar var samþykkt að styrkja 52 umsóknir með 38,5 millj. kr. en eftirtöld verkefni hlutu milljón eða meira í styrki: Ekkert helvítis frí (kr. 1.250.000), Söguferðaþjónusta í Skagabyggð (kr. 1.200.000), Dansskóli Menningarfélags Húnaþings vestra (kr. 1.000.000), Jólin heima (kr. 1.500.000), Heimatónleikar í Sæluviku - tónlistarhátíð (kr. 1.300.000), Tindastuð (kr. 1.500.000), Rafræn miðlun rannsókna Selaseturs á snertiskjá (kr. 1.000.000), Hvammstangi International Puppetry Festival 2024 (kr. 1.000.000) og Public Art Project 2024 (kr. 1.000.000). Þá má geta þess að tvö verlefni Leikfélags Sauðárkróki á árinu fengu samtals eina og hálfa milljón í styrk.
Stofn- og rekstrarstyrkir eru veittir til safna, setra og listamiðstöðva á sviði menningarmála. Styrkur er ákvarðaður út frá þeirri upphæð sem óskað var eftir og með það í huga hvert listrænt og menningarlegt gildi viðkomandi reksturs er fyrir svæðið. Að þessu sinni hlutu ellefu aðilar rekstrarstyrki en þeirra hæstir voru styrkir til Kakalaskála (kr. 1.600.000), Menningarfélagsins Spákonuarfs (kr. 1.100.000), Selaseturs Íslands (kr. 1.600.000), Sýndarveruleika ehf - 1238 Baráttan um Ísland (kr. 1.400.000) og Handbendi brúðuleikhús ehf. (kr. 1.600.000).
Viljum áfram sjá blómlegar byggðir
„Við hvetjum íbúa svæðisins til að kynna sér þau verkefni sem hafa hlotið styrk úr Uppbyggingarsjóði, sækja viðburði eins og hægt er, fylgjast með atvinnu- og menningarlífi og að sjálfsögðu að hafa samband við ráðgjafa SSNV varðandi þau verkefni sem þeir eru sjálfir með í burðarliðnum. Okkur er ekkert að vanbúnaði og hér viljum við áfram sjá blómlegar byggðir og öflugt atvinnulíf,“ segir Katrín M. Guðjónsdóttir, framkvæmdastjóri SSNV, m.a. í greinargerð um styrkhafa Uppbyggingarsjóð Norðurlands vestra 2024 sem lesa má hér >
Fleiri fréttir
-
Knattspyrnuvallahallæri á Norðurlandi vestra og víðar
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 19.16Þrjú meistaraflokkslið í knattspyrnu þreyja þorrann á Norðurlandi vestra þessa sumarbyrjunina; kvennalið Tindastóls sem spilar í Bestu deild kvenna, Kormákur/Hvöt í 2. deild karla og karlalið Tindastóls í 4. deildinni. Öll þurfa liðin leikhæfa leikvelli til að spila á en þeim er því miður ekki til að dreifa þessa dagana á svæðinu og hafa liðin því þurft að ýmist færa leiki lengra inn í sumarið, spila heimaleiki sína í Eyjafirði eða skipta á heimaleikjum við andstæðinga hverju sinni.Meira -
Þörfin fyrir heimilislækna | Bjarni Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.05.2024 kl. 16.16Að geta notið þjónustu heimilislæknis er ein af grunnþörfum okkar allra hvar sem við búum á landinu. Það er ekki síður mikilvægt að fólk hafi aðgang að föstum heimilislækni til að tryggja samfellu í þjónustunni. Þurfa ekki sífellt að bera sig upp við nýja lækna með mein sín, áhyggjur eða við heilsufarseftirlit. Aðgengi að góðri heilbrigðisþjónustu í heimabyggð eru grundvallarmannréttindi. Hér á landi höfum við búið við traust opinbert heilbrigðiskerfi þar sem öll eiga sama rétt til þjónustu óháð efnahag og stöðu. Um það er þjóðarsátt.Meira -
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira -
Ólík nálgun á snjallfækkun
feykir.is Skagafjörður, Mannlíf 16.05.2024 kl. 14.21Um fjörtíu háskólanemar og kennarar frá sex erlendum háskólum, af tólf þjóðernum, heimsóttu Byggðastofnun í gær á vegum Háskólaseturs Vestfjarða sem er hluti af alþjóðlegu samstarfi og skipuleggur sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.Meira -
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.