Einstakur leikur fyrir Einstök börn í Síkinu á föstudaginn
Tindastóll fær ÍA í heimsókn föstudaginn 5. desember og hefjast leikar klukkan 19:15. Leikurinn er þó ekki alveg hefðbundinn deildarleikur heldur er um svokallaðan Bangsaleik að ræða. Bangsaleikur virkar þannig að þegar Tindastóll skorar fyrstu þriggja stiga körfuna í leiknum þá taka áhorfendur sig til og henda böngsum inn á völlinn sem leikmenn safna svo saman og færa Einstökum börnum.
„Hugmyndin er komin frá Bakken Bears í Danmörku þar sem spilaður er sérstakur góðgerðarleikur. Eftir leik í Síkinu munu leikmenn afhenda einstökum börnum bangsa og fara síðan til Akureyrar allir saman á laugardag og heimsækja þau börn sem ekki komast í Síkið. Fólk getur komið með nýja bangsa með sér eða keypt á leiknum til styrktar Einstökum börnum,“ segir Dagur formaður.
Einstök börn er stuðningsfélag barna og ungmenna með sjaldgæfa sjúkdóma eða sjaldgæf heilkenni. Félagið var stofnað 13.mars 1997 af foreldrum nokkurra barna og félagið hefur stækkað ört og eru hátt í 800 fjölskyldur í félaginu.
Oft hafa verið einstakar upplifanir í Síkinu fram að þessu en ef einhvern tímann hefur verið ástæða til að mæta og hafa með sér bangsa þá er það núna. Því stærra bangsaregn, því flottara verður það. Tekið skal fram að bansinn sem gefa á áfram þarf að vera nýr. Á föstudaginn mætum við í Síkið fyrir Einstök börn og Tindastól.
HÉR getið þið séð hvaðan hugmyndin er komin >
Fleiri fréttir
-
Marta með stórleik í naumu tapi gegn meisturum Hauka
feykir.is Skagafjörður, Íþróttir, Lokað efni 03.12.2025 kl. 10.15Stólastúlkur tóku á móti Íslandsmeisturum Hauka í Síkinu í gær í 10. umferð Bónus deildarinnar. Leikurinn var hin besta skemmtun, hraður og fjörugur þar sem bæði lið settu niður hreint ótrúlega skot. Gestirnir leiddu lengstum en Stólastúlkur börðust eins og ljón þrátt fyrir að vera án yfirfrákastara síns, Maddíar Sutton, og réðust úrslitin í raun ekki fyrr en á lokasekúndunum. Úrslitin 89-93 fyrir lið Hauka.Meira -
Útlit fyrir að Fljótagöng séu komin í forgang
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.12.2025 kl. 08.58Fjölmiðlar greina frá því að Eyjólfur Ármannsson innviðaráðherra hafi sett Fljótagöng í forgang en hann mun í dag kynna þingsályktunartillögu um nýja samgönguáætlun fyrir tímabilið 2026-2040 og aðgerðaáætlun til fimm ára. Í frétt RÚV segir að ríkisstjórnin hafi boðað til blaðamannafundar í dag um nýja samgönguáætlun og stofnun innviðafélags til að flýta stærri samgönguframkvæmdum.Meira -
Sterkari saman - sameiningin skiptir máli | Eyjólfur Ingvi Bjarnason skrifar
feykir.is Aðsendar greinar, Vestur-Húnavatnssýsla 03.12.2025 kl. 08.24Þessa dagana stendur yfir atkvæðagreiðsla um sameiningu sveitarfélaganna Dalabyggðar og Húnaþings vestra. Undirritaður hefur setið í sveitarstjórn Dalabyggðar frá árinu 2018 og var oddviti til ársins 2024. Fyrir þann tíma var ég varamaður í sveitarstjórn og þekki því ágætlega til reksturs og áskorana sveitarfélagsins síðasta áratuginn.Meira -
Ráðgjafi Krabbameinsfélagsins kemur á Sauðárkrók
feykir.is Skagafjörður 02.12.2025 kl. 14.10Ráðgjafi frá Ráðgjafarþjónustu Krabbameinsfélagsins verður á Sauðárkróki, fimmtudaginn 4. desember. Viðtölin verða á Heilbrigðisstofnun Norðurlands á Sauðárkróki.Meira
