Fólk hvatt til að útbúa mannlegar jólakúlur fyrir hátíðirnar
Átta greindust með kórónuveiruna innanlands sl. sólarhring, allir staðsettir á höfuðborgarsvæðinu utan eins, fimm af þeim voru ekki í sóttkví. Alls eru 187 í einangrun, 716 í sóttkví, 41 á sjúkrahúsi, tveir á gjörgæslu á öndunarvél samkvæmt tölum á Covid.is. Á Norðurlandi vestra er enn tómur listi þar sem enginn er skráður í einangrun né í sóttkví.
Á upplýsingafundi almannavarnadeildar ríkislögreglustjóra í morgun kom fram að nú væri hægt að nálgast ráðleggingar um það hvernig heppilegt væri að haga málum yfir hátíðarnar. Þar benti Rögnvaldur Ólafsson, aðstoðaryfirlögregluþjónn, fólki á að búa sér til nokkurs konar jólakúlu og raða í hana því fólki sem hver og einn ætlar að hitta yfir hátíðarnar. Miða þarf samt við tíu manns sem er sá fjöldi sem fjöldatakmörkun yfirvalda notar nú sem meginreglu.
Þórólfur Guðnason, sóttvarnalæknir, hvatti fólk til að forðast alla hópamyndun fyrir jól og aðspurður um tillögur hans til heilbrigðisráðherra vildi hann lítið segja nema að ekki væri rými til almennra slakana sem stendur. Hvort til greina kæmi að beita svæðisbundnum aðgerðum fyrir jól taldi Þórólfur svo geta verið.
Um heimboð og veitingar um jól og áramót segir í leiðbeiningum sem hægt er að nálgast á Coivid.is:
Látum gesti vita um boðið með góðum fyrirvara svo þeir hafi tækifæri til að fara varlega dagana fyrir boðið.
Fylgjumst með þróun faraldursins.
Virðum fjöldatakmarkanir og tryggjum nándarmörk og einstaklingsbundnar smitvarnir.
Forðumst samskotsboð („pálínuboð") og hlaðborð.
Geymum handabönd, faðmlög og kossa til betri tíma.
Hugum að loftræstingu og loftum út á meðan á boðinu stendur.
Bjóðum upp á grímur ef gestir kjósa, þvoum hendur og sprittum okkur reglulega.
Takmörkum sameiginlega snertifleti og þrífum þá oft og reglulega.
Notum grímu og þvoum okkur reglulega um hendur á meðan við útbúum matinn, berum hann fram og göngum frá.
Takmörkum fjölda fólks í eldhúsinu eða þar sem maturinn er útbúinn og gengið er frá eftir matinn.
Takmörkum notkun á sameiginlegum áhöldum, svo sem tertuhnífum, kaffikönnum, mjólkurkönnum og svo framvegis.
Þvoum allt tau eftir hvert boð, svo sem dúka og tauservíettur.
Forðumst söng og hávært tal, sérstaklega innandyra.
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.