Húnavatnshreppur auglýsir tillögu að deiliskipulagi við Þrístapa
Húnavatnshreppur hefur auglýst tillögu að deiliskipulagi við Þrístapa í landi Sveinsstaða í Húnavatnshreppi. Tillagan samanstendur af skipulagsuppdrætti og greinargerð. Meginforsendur deiliskipulagsins eru allar í samræmi við Aðalskipulag Húnavatnshrepps 2010–2022.
Deiliskipulagssvæðið er í landi Sveinsstaða og nær það yfir svæðið umhverfis Þrístapa ásamt fyrirhuguðu bílastæði við þjóðveg nr. 1 og fyrirhugaða gönguleið þar á milli sem verður um 200 m að lengd. Heildarstærð skipulagssvæðisins er um 3.2 hektarar.
Tillagan liggur frammi til kynningar til 21. maí næstkomandi á skrifstofu skipulagsfulltrúa að Hnjúkabyggð 33 á Blönduósi og einnig á skrifstofu Húnavatnshrepps að Húnavöllum.
Einnig er hægt að nálgast tillöguna á heimasíðu Húnavatnshrepps, http://www.hunavatnshreppur.is.
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við tillöguna. Skulu þær vera skriflegar og berast eigi síðar en 21. maí næstkomandi til skrifstofu skipulagsfulltrúa, Hnjúkabyggð 33, 540 Blönduósi. Þeir sem ekki gera athugasemdir innan tilskilins frests, teljast samþykkir tillögunni.
Tillöguna má lesa hér.
Fleiri fréttir
-
Hljóp í 33 klukkustundir
feykir.is Skagafjörður, Íþróttir, Lokað efni 22.09.2025 kl. 11.47Bakgarðshlaupið í Heiðmörk var ræst sl. laugardag 20. september á slaginu klukkan níu og er hlaupinn 6,7 km hringur á hverjum klukkutíma þar til einn stendur eftir sem sigurvegari. Hringurinn er ræstur á heila tímanum og ræðst hvíld keppanda eftir því hvað þú ert fljótur að hlaupa hringinn.Meira -
Tekist á um ágæti virkjana í Skagafirði
feykir.is Skagafjörður, Lokað efni 22.09.2025 kl. 09.31Í Speglinum á Rás2 Ríkisútvarpsins var á föstudaginn sagt frá því að deilur um virkjanir í skagfirskum jökulsár hafi blossað upp í kjölfarið á því að Jóhann Páll umhverfisráðherra lagði til að virkjunarkostir í Héraðsvötnum yrðu færðir í biðflokk í stað verndarflokks. Meirihluti sveitarstjórnar vill virkja en Vinstri græn og óháð leggjast gegn því.Meira -
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira
