Lásu 729 bækur í Lestrarátaki Ævars vísindamanns
Lestrarátaki Ævars vísindamanns lauk um síðustu mánaðamót og hafði þá staðið frá 1. janúar. Þetta er í fjórða skipti sem Ævar efnir til þessa átaks og í fyrstu þrjú skiptin lásu íslenskir krakkar meira en 177 þúsund bækur. Krakkarnir skila inn lestrarmiðum með nöfnum bókanna sem þeir lesa og að átakinu loknu er dregið úr innsendum miðum og fá fimm krakkar í verðlaun að vera persónur í æsispennandi ofurhetjubók eftir Ævar sem kemur út í maí.
Í Höfðaskóla á Skagaströnd var gert aðeins meira úr átakinu í því skyni að hvetja enn frekar til lestrar. Þannig fengu allir þeir sem tóku þátt í átakinu viðurkenningarskjal og nafn sitt í pott þar sem dregnir voru út nokkrir vinningar, pizzur frá Bjarmanesi og hamborgararar og franskar frá Olís. Einnig fékk sá nemandi hvers bekkjar sem flestar bækur las, bók í viðurkenningarskyni og Karen Líf í 7. bekk, sem las 129 bækur eða fleiri en nokkur annar nemandi skólans, fékk glaðning frá Olís. Þá fékk 2. bekkur bók í verðlaun fyrir að vera bekkurinn sem mest las eða 225 bækur samtals.
Þetta er þriðja árið í röð sem skólinn tekur þátt í lestrarátakinu en í fyrsta sinn sem allur skólinn er með þar sem átakið var aðeins ætlað 1.-7. bekk í fyrri skiptin.
Á tímabilinu lásu nemendur skólans lásu hvorki meira né minna en 729 bækur. Vel gert hjá krökkunum og sannarlega flott framtak hjá skólanum.
Þessir einstaklingar lásu flestar bækur:
Í 1. bekk las Sæþór Daði flestar bækur og fékk Risabókina í viðurkenningarskyni.
Í 2. bekk las Aníta Ýr flestar bækur og fékk bókina Benedikt búálfur - runni risi.
Í 3. bekk var það Andri Snær sem las flestar bækur. Hann fékk bókina Skúli verður ríkur í hvelli.
Í 4. bekk las Steinunn Kristín flestar bækur. Hún fékk Bíttu á jaxlinn, Binna mín.
Í 5. bekk var það Mathis sem las flestar bækur og fékk Kidda klaufa.
Í 6. bekk las Sóley Sif mest. Bókin sem hún fékk heitir Harry Potter - bölvun barnsins.
Í 7. bekk var það Karen Líf sem las flestar bækur og fékk Harry Potter - bölvun barnsins.
Í 8. bekk var Mikael Garðar með flestar bækur. Bókin sem hann fékk heitir Leyndardómur ljónsins.
Í 9. bekk fékk Ingólfur Eðvald bókina Koparborgin í viðurkenningarskyni. Þarr lásu þrír nemendur, þeir Ingólfur, Magnús Sólberg og Ólafur, jafn margar
bækur og þurfti því að draga á milli þeirra.
Í 10. bekk var það Dagný Dís sem las flestar bækur og fékk Náðarstund.
Á heimasíðu Höfðaskóla má sjá fleiri myndir frá afhendingu viðurkenninganna.
Fleiri fréttir
-
Tekist á um ágæti virkjana í Skagafirði
feykir.is Skagafjörður, Lokað efni 22.09.2025 kl. 09.31Í Speglinum á Rás2 Ríkisútvarpsins var á föstudaginn sagt frá því að deilur um virkjanir í skagfirskum jökulsár hafi blossað upp í kjölfarið á því að Jóhann Páll umhverfisráðherra lagði til að virkjunarkostir í Héraðsvötnum yrðu færðir í biðflokk í stað verndarflokks. Meirihluti sveitarstjórnar vill virkja en Vinstri græn og óháð leggjast gegn því.Meira -
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira -
Stólastúlkur í erfiðum málum í Bestu deildinni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 20.09.2025 kl. 19.16Lokaumferðin í hefðbundinni deildarkeppni í Bestu deild kvenna var spiluð í dag og það var sterkt lið FH sem kom á Krókinn þar sem lið Tindastóls beið þess. Hlutskipti liðanna er ólíkt; Stólastúlkur í bullandi fallbaráttu en lið FH að reyna að halda spennu í toppbaráttunni. Gæðamunurinn kom fljótt í ljós í leiknum og lið Hafnfirðinga vann öruggan 0-4 sigur.Meira
