NFNV frumsýnir söngleikinn Grease á morgun
Leikhópur Nemendafélags Fjölbrautaskóla Norðurlands vestra frumsýnir nk.föstudag hinn sívinsæla söngleik Grease í leikstjórn Péturs Guðjónssonar. Með aðalhlutverk fara þau Róbert Smári Gunnarsson, sem leikur Danny Zuko og Valdís Valbjörnsdóttir sem leikur Sandy.
Leikritið fjallar um ástfangna unglinga árið 1959. Vandræðaunglingurinn Danny Zuko og góða stelpan Sandy Dumbrowski urðu ástfangin í sumarfríinu en héldu að þau myndu ekki hittast aftur. Það sem þau vita ekki, er að þau eru bæði í Rydell-skóla og þegar þau hittast aftur að sumarfríi loknu er allt breytt og raunveruleikinn tekinn við.
Dagmar Ólína Gunnlaugsdóttir, skemmtanastjóri NFNV, segir að 44 einstaklingar komi að uppsetningunni og eru þá allir taldir með, leikarar, dansarar, tæknimenn, sminkur, sviðsmenn, leikstjóri, ljósahönnuður, smiðir og fólk í miðasölu.
Hvernig hefur æfingatímabilið gengið?
- Það hefur gengið virkilega vel, Þetta hefur verið mikil keyrsla og vinna en samt einnig virkilega skemmtilegt! Öllum kom vel saman og aldrei nein leiðindi. Mikið hlegið. Það var alveg greinilegt að allir ætluðu að gefa allt í þetta strax í byrjun enda er þetta þvílíkt hæfileikaríkur hópur. En þótt mikil alvara hafi verið í þessu öllu þá er alltaf búið að vera stutt í grínið, gamanið og fíflaganginn, enda er það aðalmálið að hafa gaman!
Hvað geturðu sagt mér um leikstjórann?
-Leikstjórinn í ár er Pétur Guðjónsson, lærður leikstjóri frá Akureyri. Hann vinnur hjá Verkmenntaskólanum á Akureyri. Hann hefur einnig verið leikstjóri í leikritum VMA síðustu ár. Virkilega skemmtilegur karl sem öllum líkar vel við. Alltaf stutt í grínið hjá honum.
Hvar og hvernig getur fólk náð í miða?
- Miðapantanir fara fram í síma 455-8070 frá og með miðvikudeginum 14. nóvember. Á virkum dögum er hægt að panta miða frá 15:00 - 17:00 og um helgar frá 11:00 - 14:00. Einungis er hægt að panta miða á þessum tímum. Miðaverð er 2500kr á mann og eru allar sýningarnar í félagsheimilinu Bifröst.
Sýningatímar eru:
Föstudagur 16. nóvember: Frumsýning - 20:00
Laugardagur 17. nóvember: Fyrri sýning - 20:00, seinni sýning - 00:00
Sunnudagur 18. nóvember: Fyrri sýning - 16:00, seinni sýning - 20:00
Þriðjudagur 20. nóvember: Sýning fyrir 10. bekkinga - 19:00 - uppseld.
Miðvikudagur 21. nóvember: Sýning 20:00
-Ég hvet alla til að mæta, unga sem aldraða. Þetta er virkilega skemmtileg og drepfyndin sýning, segir Dagmar Ólína.
Fleiri fréttir
-
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.