Opinn fundur Framsóknar í gær
Ásmundur Einar Daðason og Halla Signý Kristjánsdóttir, þingmenn Norðvesturskjördæmis, voru gestir Framsóknarfélags Skagafjarðar í gærkvöldi en boðað hafði verið til opins stjórnmálafundar í Framsóknarhúsinu á Sauðárkróki. Vel var mætt í salinn og sköpuðust fínar umræður um hin ýmsu málefni.
Nú er kjördæmavika og Framsóknarþingmenn kjördæmisins nýta hana til að hitta fólk víða í kjördæminu. Fyrsti fundur var haldinn á Hvammstanga fyrr um daginn. Halla Signý sagði það mikilvægt að geta hitt fólkið í heimabyggð og átt með því samtal. Hóf hún sína framsöguræðu með því að fara yfir helstu mál og áherslur Framsóknarflokksins en þar er samgönguáætlun meðal helstu mála. Hún var afgreidd út úr nefnd í síðustu viku og það mál sem krafist hefur mestrar vinnu í nefnd, síðustu misserum, að mati Höllu. „Þetta er gríðarlega mikilvægt plagg. Við erum að sjá samgönguáætlun sem er fullfjármögnuð, eins og hún lítur út. En vissulega hefur vinnan verið á þann veg að verið er að útfæra leiðir til að fara í flýtiframkvæmdir, hvort sem það verður með gjaldtöku eða einhverri annarri fjármögnun,“ sagði Halla sem telur málið skipta landsbyggðina miklu máli sérstaklega með vegi sem vilji er til að færa framar í framkvæmdalistanum.
Ásmundur Einar sagði að reynt sé að funda sem víðast enda mikilvægt að geta átt milliliðalaus samtöl. „Það er mjög auðvelt að verða einangraður, í fyrsta lagi í Reykjavík og öðru lagi í þessu starfi sem maður er í þar. Þannig að það er gríðarlega mikilvægt að að geta átt þessi samskipti hérna og þannig getum við í sameiningu komið góðum hlutum í verk.“
Ásmundur hóf sína ræðu á vangaveltum um matvælastefnu fyrir Ísland, sem hann telur mjög mikilvæga. Í fyrirspurnum má segja að íþyngjandi landsbyggðarskattar í ferðaþjónustu og almennt í atvinnugeiranum hafi verið áberandi auk ákalls til frekari flutninga á opinberum störfum út á land. Þá má ekki gleyma almennissamgöngum, bæði á lofti og á láði en segja má að hugmyndir um gangnagerð um Tröllaskaga muni verða sett á oddinn.
Eftir framsögu, umræður, spurningar úr sal og ágæt svör þingmannanna tveggja þakkaði Ásmundur fyrir góðan fund og þá brýningu sem þau fengu frá fundargestum. „Til þess erum við komin, að hitta fólk og láta brýna okkur. Það er vegna þess að stjórnmál snúast um að gera breytingar og þegar við hættum að trúa því að það sé hægt að breyta einhverju þá ættum við að gera eitthvað annað,“ sagði Ásmundur í lokin.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.