Rúmlega 100 börn skemmtu sér saman í gleði og leik
Helgina 23.-24. nóvember komu yfir eitthundrað 10-12 ára börn saman á TTT móti á Löngumýri, ásamt öllum prestum í Húnavatns- og Skagafjarðar prófastsdæmi. Að sögn Sigríðar Gunnarsdóttur, sóknarprests á Sauðárkróki, tókst mótið vel í alla staði enda mikið sungið, lært og leikið.
„Við köllum TTT, tíu til tólf ára starfið, Stubbana og höldum Stubbafundi alla fimmtudags eftirmiðdaga í Safnaðarheimilinu á Sauðárkróki þar sem er sungið og leikið á alls oddi,“ segir Sigríður sem var mög ánægð með stemningu helgarinnar. „Hún var ljómandi fín, alltaf góð stemning á Löngumýri, krakkarnir skemmtu sér vel og voru til fyrirmyndar.“
Þrátt fyrir að fréttir segi af og til af minnkandi ásókn í kirkjur eða úrsagnir úr Þjóðkirkjunni segir Sigríður að krakkar í dag hafi almennt áhuga á kristilegu. „Já, mörg hafa það. 20-30 krakkar mæta að meðaltali á hvern Stubbafund og þau eru mjög áhugasöm. Foreldrarnir gefa samt örugglega tóninn í þessu eins og öðru, þau sem fá hvatingu að heiman eru líklegri til að koma.“
Aðspurð um hvort kirkjan, eða önnur trúfélög, séu komin með einhver öpp til að auðvelda fólki aðgang að Guðsorðinu, segir hún svo vera því Biblían er þegar komin í app og aðgengileg á www.biblia.is.
Nú er aðventan byrjuð og Sigríður vill hvetja fólk til að koma til kirkju. „Margir segjast alltaf vera á leiðinni. Það er heilmikið um að vera í flestum kirkjum á aðventu og jólum og þar er í boði andleg næring og boðskapur sem byggir upp.“
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.