Vor á ný er fínasta fínt með Slagaarasveitinni
Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.
Platan er hin áheyrilegasta og þar kennir margra grasa í stefnum; rokk, ballöður, diskó, kántrý og þungarokk en Vor á ný gæti flokkast sem melódískt eitís-skotið þungarokk með glæsilegum texta.
Í skilaboðum á Facebook segir: Um er að ræða kraftmikið rokklag með texta sem fjallar um veðráttu á Íslandi í hinum ýmsu myndum. Storminn, kuldann, myrkvið og hafísinn. En þrátt fyrir að veðrið leiki okkur landsmenn oft grátt þá birtist vorið að lokum með birtu og hlýju.“ Lag og texti er eftir Ragnar Karl Ingason. Dóri í Neptúnus stjórnaði upptöku, forritun, hljóðblöndun og útsetti lagið ásamt Ragnari Karli Ingasyni og Slagarasveitinni. Gestalistamenn í laginu eru Ómar Guðjónsson á rafgítar, Helgi Már Hannesson á Hammond orgel og Aldís Olga Jóhannesdóttir syngur raddir.
Það er bullandi metnaður og leikgleði í gangi á breiðskífunni, lögin oftar en ekki grípandi og laglega saman sett, textarnir margir skemmtilegir og aðrir dramatískari. Það kemst enginn hjá því að fá Gráa fiðringinn á heilann eftir fyrstu hlustun.
Meðlimir Slagarasveitarinnar eru:
Söngur: Valdimar Gunnlaugsson
Bassi og raddir: Geir Karlsson
Kassagítar og raddir: Ragnar Karl Ingason
Trommur: Skúli Þórðarson
Kassagítar og raddir: Stefán Ólafsson
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.