A-Húnavatnssýsla

Páskaegg er eitthvað sem ekkert heimili getur verið án á sjálfum páskunum og oft á tíðum eru til nokkur stykki á hverju heimili. Hvernig væri að prufa að gera þennan eftirrétt um páskana, svona til að gera páskana í ár ennþá gleðilegri, páskaegg fyllt með ís, sósa og skraut. Tekur sirka 5 mínútur að útbúa. Gerist ekki girnilegra, slurp.

Bakvarðasveit heilbrigðisþjónustunnar á Íslandi verður endurvakin en þegar hefur verið óskað liðsinnis heilbrigðisstarfsfólks sem reiðubúið er að starfa tímabundið með skömmum fyrirvara, hvort heldur í fullt starf, hlutastarf eða í tímavinnu, eftir því sem aðstæður leyfa. Á heimasíðu heilbrigðisráðuneytisins eru þeir sem voru skráðir í bakvarðasveitina áður, og sjá sér enn fært að veita liðsinni, beðnir um að skrá sig þar á ný.

Áskorun til allra í tilefni dagsins! Skelltu í vöfflur því það er alþjóðlegi vöffludagurinn í dag. Ekki flækja hlutina og náðu þér í Vilko vöffluþurrefnablöndu og dassaðu smá vatn við. Ef vöfflujárnin eru farin að gefa sig þá er 20% afsláttur af öllum vöfflujárnum í Skagfirðingabúð dagana 25.-27. mars.

Ríkisstjórn Íslands boðaði til fréttamannafundar í Hörpu fyrr í dag vegna stórra hópsmita kórónuveirunnar. Kyntar voru breyttar sóttvarnaráðstafanir og reglur til þess að stemma stigu við fjölgun smita. Hertar aðgerðir munu taka gildi á miðnætti og um allt land, sambærilegar og settar voru þann 30. október sl. Það var þungt hljóð í forystusveit ríkisstjórnarinnar á fundinum vegna þeirra tíðinda sem flutt voru en þar var þó þær jákvæðu fréttir færðar að bóluefni Astra Zeneca yrði notað á ný.

Ágætu félagar og kjósendur í Norðvesturkjördæmi. Nafn mitt er Gunnar Rúnar og ég gef kost á mér í 1.-4. sæti á lista Samfylkingarinnar í Norðvesturkjördæmi. Ég er fæddur og uppalin í Reykjavík, nánar tiltekið í Laugarnesinu en lengst af búið utan höfuðborgarsvæðisins m.a. í Danmörku, Hvanneyri og Selfossi. Frá 1997 hef ég búið á Akri í Húnavatnshreppi. Ég er giftur Jóhönnu Erlu Pálmadóttur og eigum við tvö uppkomin börn. Ég er menntaður í búvísindum frá landbúnaðarháskólanum í Danmörku. Auk þess hef ég verið í mastersnámi í opinberri stjórnsýslu í HÍ og á ritgerðina eftir. Við höfum rekið lítið sauðfjárbú á Akri en auk þess starfa ég hjá Rarik á Blönduósi.

Vettvangurinn Tryggð byggð og skýrsla um húsnæðismál landsbyggðarinnar var kynnt í Hofi á Akureyri í gær. Fram kom að íbúar landsbyggðarinnar búi í eldra húsnæði en aðrir landsmenn en jákvæð áhrif aukins opinbers stuðnings séu farin að sjást á fasteignamarkaði einstakra sveitarfélaga. „Enn þarf að auka við,“ segir í tilkynningu til fjölmiðla en úrræðin lífguðu við fasteignamarkað á Blönduósi og á Vopnafirði.

Ég heiti Valgarður Lyngdal Jónsson, er grunnskólakennari á Akranesi og forseti bæjarstjórnar Akraneskaupstaðar. Ég býð mig fram í fyrsta sæti á framboðslista Samfylkingarinnar í Norðvesturkjördæmi fyrir Alþingiskosningar 2021. Eiginkona mín er Íris Guðrún Sigurðardóttir aðstoðarleikskólastjóri og eigum við þrjú börn og einn dótturson.

Nú hafa hátt í 100 teymi skráð sig til leiks í Ullarþonið sem hefst á morgun fimmtudaginn, 25. mars og er spenningur mikill hjá keppnishöldurum að sjá hvað kemur inn í lokaskilum en þau eru nk. mánudag. Það eru Textílmiðstöð Íslands og Nýsköpunarmiðstöð Íslands sem halda Ullarþon nýsköpunarkeppni, sem haldin er á netinu til að ýta undir nýsköpun og vöruþróun, auka verðmæti ullarinnar og þá sérstaklega verðminnstu ullarflokkanna.

Föstudaginn 26. mars klukkan 13 mun dr. Jessica Aquino, lektor ferðamáladeildar Háskólans á Hólum flytja erindi í fyrirlestraröð Vísinda og grautar. Erindi hennar ber heitið The Garden Project: Approaches to Youth Community Development and Placed-Based Education og fjallar um rannsóknaverkefni í samfélagsþróun þar sem unglingar eru í forgrunni sem hún vinnur að á Norðurlandi vestra.

Ég, Sigurður Orri Kristjánsson, býð mig fram í 1. – 4. sæti á framboðslista Samfylkingarinnar í Norðvesturkjördæmi fyrir alþingiskosningar 2021. Ég var í 4. sæti á framboðslista Samfylkingarinnar fyrir síðustu kosningar til Alþingis árið 2017.