A-Húnavatnssýsla

Annað mótið í Meistaradeild KS fór fram í gærkvöldi í Svaðastaðahöllinni á Sauðárkróki. Keppt var í Gæðingafimi en sú grein er afar krefjandi keppnisgrein og var í fyrsta skipti í gær keppt á þriðja stigi í gæðingafimi LH. Mette Mannseth og Skálmöld frá Þúfum eru á feikna flugi en þær stóðu uppi sem sigurvegarar gær annað mótið í röð.

Matgæðingur vikunnar í tbl 47, 2020 var Margrét Petra Ragnarsdóttir, dóttir Dóru Ingibjargar Valgarðsdóttur og Ragnars Péturs Péturssonar. Margrét er því Króksari í húð og hár þó hún hafi tekið nokkrar pásur frá firðinum fagra í gegnum lífsævina en í dag býr hún á Hólum í Hjaltadal ásamt Sveini Rúnari Gunnarssyni og tveimur dætrum, þeim Emmu Dallilju og Viktoríu Rún.

Það er mikilvægt í lýðræðisþjóðfélagi að fólk hafi raunverulegt val um búsetu. Val um búsetu byggir á fjölmörgum áhrifaþáttum og þá fyrst og fremst framfærslumöguleikum og öryggi. Í því felst til að mynda öruggt húsnæði og öruggir atvinnumöguleikar. Öruggt vaxandi samfélag sem býður upp á trausta innviði svo sem raforku, hitaveitu, samgöngur og öruggt aðgengi að menntun og heilbrigðis- og félagsþjónustu.

Það er fátt sem hefur yljað manni eins mikið á þessum skringilegu tímum eins og rósirnar frá Starrastöðum. Þær eru hreint út sagt algjört æði og það sem toppar þetta allt saman er hversu vel þær standa eftir að maður kaupir sér einn til tvo vendi. Sú sem á heiðurinn að því að koma þessum fallegu rósum á markað er hún María Ingiríður Reykdal.

Í næstu viku fær Heilbrigðisstofnun Norðurlands senda 720 skammta af Pfizer bóluefninu sen verður nýtt til að bólusetja seinni bólusetningu hjá þeim sem fengu fyrri skammt dagana 2.-5. mars. Í þeim hópi eru m.a. þeir sem eru 80 ára og eldri. Íbúar Skagafjarðar og Austur-Húnavatnssýslu mega eiga von á sms skilaboðum eða símtali þar sem tími og staðsetning kemur fram.

Ég veit um fátt betra en góða steikarsamloku með nautakjöti, bearnaise og fröllum. Þegar ég var að vinna í Reykjavík, nánar tiltekið á Laugarveginum, elskaði ég að rölta á veitingastaðinn Vegamót í hádeginu og fá mér eina slíka – því hún klikkaði aldrei. Við Binni gerum stundum svipaða samloku þegar við komumst yfir gott nautakjöt því það skiptir svo miklu máli ásamt sósunni.

Lögð var fram í morgun ný þingsályktun undir forystu Ágústs Ólafs Ágústssonar og Albertínu Friðbjargar Elíasdóttur, ásamt öðrum þingmönnum Samfylkingarinnar um markvissar aðgerðir til að auka framboð og neyslu grænkerafæðis (vegan) í þeim tilgangi að auka dýravelferð, draga úr hamfarahlýnun, stuðla að bættri auðlindanýtingu og bæta heilsufar fólks.

Katrín Sif Sigurgeirsdóttir, fyrrverandi formaður kjaranefndar ljósmæðrafélags Íslands vill leiða Pírata í Norðvesturkjördæmi. Katrín Sif er fjörutíu og fimm ára hjúkrunarfræðingur og ljósmóðir, með diplómu í opinberri stjórnsýslu, gift Aðalsteini Ingólfssyni og samtals eiga þau átta börn. Sem stendur starfar hún sem ljósmóðir í mæðravernd og sinnir heimafæðingaþjónustu.

Nemendafélag FNV býður almenningi í bílabíó í kvöld, fimmtudaginn 18. mars, kl. 23:00 en sýnd verður uppsetning nemendafélagsins á leikritinu Footloose sem sett var á svið fyrir skömmu í Bifröst. Sýningin verður á suðurvegg Fisk Seafood á Sauðárkróki og er aðgangur ókeypis.

U3A eða háskóli þriðja æviskeiðsins eru alþjóðleg samtök fólks sem komið er yfir miðjan aldur eða 50+. Samtökin eru aðili að alþjóðlegri hreyfingu U3A sem er til í 30-40 löndum víða um heim með hundruðum þúsunda meðlima. Áhersla er á virkni og fræðslu til að viðhalda og efla andlega og líkamlega heilsu. Engin skilyrði eru fyrir þátttöku og engin próf eru tekin.