A-Húnavatnssýsla

Ég undirritaður Lárus Ástmar Hannesson, í Stykkishólmi, býð mig fram í 1. – 2. Sætið á lista í forvali Vinstri hreyfingarinnar græns framboðs í Norðvesturkjördæmi, fyrir komandi Alþingiskosningar. Ég hef tekið virkan þátt í starfi VG um árabil, verið varaþingmaður frá 2013. Ég hef setið í bæjarstjórn Stykkishólms í tíu ár, verið forseti bæjarstjórnar í 4 ár, um tíma formaður bæjarráðs og bæjarstjóri í lok síðasta kjörtímabils. Ég er búfræðingur og kennari að mennt.

Þriggja vikna frestur til að skila inn umsögnum um lokaskýrslu 3. áfanga rammaáætlunar um verndar- og orkunýtingaráætlun, rann út í gær, 3. ágúst. Þó nokkrar umsagnir bárust frá aðilum tengdum Skagafirði. Hér fyrir neðan er samantekt um umsagnirnar en þær eru einnig að finna á vefsíðu rammaáætlunar.

Þann 14. júlí síðastliðinn eignuðust þau Hjálmar Björn Guðmundsson og Ingibjörg Signý Aadnegard á Blönduósi yndislegar tvíburastelpur. Fljótlega kom í ljós að önnur þeirra er með hjartagalla og þurfti hún að fara nokkurra daga gömul með pabba sínum og föðurömmu til Lundar í Svíþjóð. Hún fór í aðgerð 2. ágúst og gekk hún vel en sama dag flugu mamma hennar, tvíburasystir, Guðjón stóri bróðir þeirra og móðuramma til Svíþjóðar.

Hjónin Hjalti Jónsson og Lára Sóley Jóhannsdóttir stefna á að gefa út nýja plötu 25. ágúst næstkomandi. Er þetta önnur plata þeirra en fyrri plata þeirra sem heitir einfaldlega Hjalti og Lára, kom út árið 2013. Hjalti er, líkt og margir vita, alinn upp á Blönduósi en þau eru búsett á Akureyri.

Á skagastrond.is er greint frá áströlskum netmiðli sem fjallar um listakennarann Amanda Marsh, sem mun dvelja í Nes listamiðstöðinni á Skagaströnd í janúar 2017.

Þriðju fimmtudagstónleikar sumarsins í tónleikaröð 1862 Nordic Bistro og Menningarfélags Akureyrar verða haldnir í Hofi fimmtudagskvöldið 4. ágúst kl. 20.00.

Viljirðu setja fram tillögu í byggðaáætlun 2017-2023 sem nú er í mótun er það hægt hér á heimasíðu Byggðastofnunar, undir BYGGÐAÁÆTLUN. Tillögur sem gerðar verða í tillöguformið verða lagðar fyrir verkefnisstjórn byggðaáætlunar og hún tekur afstöðu til þeirra. Á þessu svæði heimasíðunnar er líka að finna upplýsingar um áætlunarvinnuna, fyrri byggðaáætlanir og sóknaráætlanir landshluta. Eftir því sem efni verður til, tengt byggðaáætlun, mun það verða lagt þarna inn.

Í skýrslu Byggðastofnunar um dreifingu sauðfjár á Íslandi segir að af 470.678 kindum á landinu í nóvember 2015, voru 37.716 í Vestur-Húnavatnssýslu og 38.266 í Austur-Húnavatnssýslu. Þá kemur einnig fram að af 2.498 sauðfjárbúum á Íslandi, voru 108 í Vestur-Húnavatnssýslu og 120 í Austur-Húnavatnssýslu. Norðurland vestra státar af flestum sauðfjárbúum með fleiri en 600 kindum en þau eru 35 talsins. Sauðfjárbú með 400-599 kindur voru einni flest á Norðurlandi vestra, 75 talsins.

Það sem af er sumri er Miðfjarðará önnur aflahæsta laxveiðiá landsins en þar höfðu samkvæmt síðustu tölum, veiðst 1996. laxar.

Greint er frá hálendisvakt Landsbjargar á huni.is. Björgunarsveitin Húnar í Húnaþingi vestra tekur þátt í vaktinni en félagar úr sveitinni eru nú komnir í Nýjadal en þar verður dvalið í viku.