A-Húnavatnssýsla

Það var mikið um dýrðir í Reiðhöllinni Svaðastöðum við Sauðárkrók þegar hið árlega mót Kvennatölt Norðurlands var haldið þar á fimmtudaginn. Það var Sara Rut Heimisdóttir sem sigraði í A-úrslitum í opnum flokki á Söru frá Stóra-Vatnsskarði.

Það er nóg um að vera á Norðurlandi vestra um Páskahelgina. Í dag, föstudag, er þar meðal annars að finna Fljótamót í skíðagöngu, guðþjónustur og lestur Passíusálma.

Það er nóg um að vera á Norðurlandi vestra um páskahelgina. Í dag, skírdag, er þar meðal annars að finna opnun á skíðasvæðinu í Tindastól, tvær bíósýningar, Norðurhvelsmót í Fifa og guðþjónustur.

Kjördæmisráð Samfylkingarinnar í Norðvesturkjördæmi boðar til aðalfundar laugardaginn 9. apríl kl. 12-17 í Landnámssetrinu í Borgarbyggð.

Á aðalfundi Kvenfélagsins Heklu í Skagabyggð, sem haldinn var í gær gengu þrjár ungar konur til liðs við félagið. Tvær eru fæddar árið 2000 og verða því 16 ára á árinu. Aldursbilið er töluvert í félaginu, eða um 80 ár, því elsta félagskonan 96 ára í haust.

Ragnheiður Elín Árnadóttir, iðnaðar- og viðskiptaráðherra, hefur staðfest tillögu stjórnar Framkvæmdasjóðs ferðamannastaða um úthlutun vorið 2016 en að þessu sinni var sérstaklega horft til að bæta öryggi á ferðamannastöðum. Á vef Atvinnuvegaráðuneytisins kemur fram að alls eru veittir styrkir til 66 verkefna hringinn í kringum landið, þar af voru fjögur á Norðurlandi vestra.

Óskar Pétursson, Eyþór Ingi Jónsson og Hjalti Jónsson halda Óskalagatónleika á Akureyri um páskana. Á tónleikunum geta gestir kallað upp sitt óskalag og fengið það flutt. Tónleikarnir fara fram í Akureyrarkirkju laugardaginn 26. mars kl. 20.00.

Þriðja mót vetrarins í mótaröð Neista var haldið í Reiðhöllinni Arnargerði fimmtudagskvöldið 17. mars síðastliðin. Keppt var í fjórgangi. Samkvæmt vef Hestamannafélagsins Neista urðu úrslit þessi:

Matvælastofnun hefur sent frá sér fréttatilkynningu vegna frétta í fjölmiðlum um dráp á kú á Norðvesturlandi um mitt síðastliðið ár. Í Fréttatímanum var greint frá því að bóndi á Norðurlandi hafi verið ákærður fyrir dýraníð í fyrrasumar eftir að hann „brá reipi um hálsinn á ungri kvígu og festi það aftan í jeppabifreið og dró hana liggjandi á eftir bílnum, þannig að hún drapst,“ eins og segir í frétt Fréttatímans.

Deildarfundur Austur- og Vestur-Húnaþingsdeilda Auðhumlu skorar á stjórn Auðhumlu að standa við gefin loforð um að greiða fullt afurðastöðvarverð fyrir alla mjólk út árið 2016 eins og búið er að gefa út. Austur- og Vestur-Húnaþingsdeildar Auðhumlu samþykkti ályktun þess efnis á deildarfundi sem haldinn var á Gauksmýri þann 17. mars síðastliðinn. Húni.is greinir frá.