A-Húnavatnssýsla

Ísólfur Líndal sýndi 5 vetra hryssuna Nútíð frá Leysingjastöðum í gær. Hlutu þau fyrstu tíuna á kynbótabrautinni á þessu Landsmóti, fyrir hægt stökk.

Þann 22. júní fór fram fundur hjá sveitastjórn Skagastrandar. Þar var lögð fram tillaga að nýjum heitum potti við Sundlaug Skagastrandar en tillagan var unnin af Ágústi Hafsteinssyni, arkitekt.

Greint er frá því á huni.is í dag að á Þingeyrarklaustri í A-Húnavatnssýslu séu hafnar fræðilegar rannsóknir er fara fram undir heitinu Þingeyrarverkefnið. Verkefnið er þríþætt og miðar að uppgreftri minja er tengjast klaustrinu, greiningu gróðurfars á miðöldum í næsta nágrenni þess og athugun á handritamenningu miðalda.

Í gær lauk dómum í flokki sex vetra hryssna á Landsmóti hestamanna 2016 sem fram fer á Hólum í Hjaltadal. Yfirlitssýningar verða svo á fimmtudag. Efst í þessum flokki er Óðinsdóttirin Jörð frá Koltursey með 8.67 í aðaleinkunn. Sýnandi er Daníel Jónsson en ræktendur Pétur Jónsson og Þórhallur Dagur Pétursson.

Forkeppni í ungmennaflokki lauk í gærkvöldi og er mjótt á munum á toppnum. Gústaf Ásgeir og Póstur frá Litla - Dal leiða en strax á hæla þeim koma Dagmar Öder og Glóey frá Halakoti. Aðeins munar 0,05 í einkunn á efsta sæti og fimmta sæti. Því stefnir í spennandi keppni í þessum flokki eins og oft áður á Landsmóti.

Á fréttavef Austur Húnavatnssýslu kemur fram að á fimmtudaginn 23. júní, hafi Heimilisiðnaðarsafnið á Blönduósi fengið til eignar glæsilegur skautbúningur/kyrtill.

Skagfirðingar og Húnvetningar verða með sínar eigin EM stofur á ýmsum stöðum á svæðinu í kvöld þegar leikur Íslands og Englands í 16 liða úrslitum á EM verður sýndur í beinni útsendingu á RÚV.

Samkvæmt frétt á Huni.is hafa þau Sigurlaug og Sigurður í Húnabúð, Blönduósi, hug á að koma á legg markaðsdögum fyrir framan verslunina sem yrði vikulegur viðburður. Framkvæmdum er nú að ljúka en stefnt er á að malbika og helluleggja í næstu viku og að skjólgirðing rísi í framhaldinu sem afmarkar svæðið.

Fjárlaganefnd Alþingis óskaði eftir umsögn um tillögur til þingsályktana um fjármálaáætlun fyrir árin 2017-2021 og fjármálastefnu fyrir 2017-2021 en þær voru lagðar fram á alþingi í apríl síðastliðnum. Stjórn SSNV hefur nú skilað af sér umsögn en þar fagnar stjórnin tillögunum.

Mæðgurnar Guðný Hrund Karlsdóttir, sveitastjóri í Húnaþingi vestra, og Kristrún Ásta Arnfinnsdóttir eru staddar á Evrópumótinu í knattspyrnu í Frakklandi. Þær verða á leik Íslands og Englands á Riviera-vellinum í Nice í kvöld og munu hvetja liðið áfram ásamt ríflega 3000 öðrum Íslendingum. Feykir ræddi við Guðnýju sem var á leik Íslands og Austurríkis síðastliðinn miðvikudag.