Að vera með „vitlausar skoðanir“
Á tímum samfélagsmiðla og stöðugrar tækniþróunar hinnar svokölluðu fjórðu iðnbyltingar ætti það að vera orðið auðveldara að ná til ungs fólks, og vekja áhuga þeirra á stjórnmálum og pólitískri umræðu. Ég efast ekki um að fjöldi ungmenna hafi áhuga, myndar sér skoðanir og hafi kröftugan vilja til þess að taka þátt í flokksstarfi af einhverju tagi, eða vera virkt í félagsstarfi utan stjórnmálaflokka.
Ég hef það þó á tilfinningunni að það sé minni áhugi í dag meðal ungs fólks á að starfa í stjórnmálum. Þá ályktun dreg ég út frá því sem ég hef sjálfur heyrt og upplifi að sumu leyti persónulega. Það þarf að þora að láta vaða, segja skoðanir sínar sama hversu mikilli dómhörku þær kynnu að sæta og vera sama þó maður yrði tekinn í gegn af virkum í athugasemdum.
Af hverju skyldi þetta vera?
Fyrir þessu kunna að vera ýmsar ástæður. Þær eru þó vissulega mismunandi eftir fólki. En, með tilkomu samfélagsmiðla hefur umræðuhefðin breyst. Það er ekkert mál að segja skoðanir sínar á yfirvegaðan og málefnalegan hátt, en á sama tíma getur maður átt von á því að einhver hakki mann í sig, ásaki, eða geri manni upp skoðanir.
Kann að vera að umræðan sé orðin öfgakenndari?
Ég upplifi umræðuna þannig að til dæmis, ef þér finnst ekki sjálfsagt að hann Magnús bílstjóri geti heiti Margrét, þá sértu fáviti, eða ef þú ert á móti því að hægt sé að fara í þungunarrof fram að tuttugustu og annarri viku, þá sértu á móti sjálfsákvörðunarrétti kvenna. Viljir þú fá léttvín í búðir, þá sértu óábyrgur og viljir stofna lífi ungs fólks í hættu og ef þú ert efins um að kynlaus klósett sé málið, að þá sértu gamaldags og fordómafullur.
Það virðast allir eiga að hafa sömu skoðunina. Allir eiga að vera sammála og alls ekki detta það í hug að bera ,,vitlausar“ skoðanir á borð. Þetta getur ekki verið hollt fyrir málefnalegar umræður, ekki heldur fyrir mannleg samskipti og allra síst gott fyrir hið margumtalaða lýðræði.
Hversu hollt skyldi það vera fyrir Alþingi, stjórnmálaflokka og lýðræðið ef sá sem í raun er ekki sammála þeim sem hæst hafa , “hinu réttsýnu” kæmi ekki sínum skoðunum á framfæri af ótta við að vera með aðrar skoðanir en fylgdi þess í stað “hinum réttsýnu”.
Er ekki heilbrigðara að fá ólíkar skoðanir fram? Rökræða, en ekki upphrópa sem margir virðast eiga afskaplega erfitt með að tileinka sér. Er ekki mannlegra að hlusta á skoðanir annarra án þess að dæma viðkomandi?
Stjórnmálin þurfa að vera spennandi vettvangur að starfa á. Við unga fólkið þurfum að fá þau skilaboð að það sé í lagi að vera með ólíkar skoðanir, það þurfi ekki alltaf að vera sammála, maður á að standa með sannfæringunni sinni, fylgja hjartanu og hugsjón, því ef það gerist ekki, þá halda stjórnmálaflokkar á Íslandi áfram að líkjast hver öðrum meira og meira, og enginn almennileg skoðanaskipti myndu eiga sér stað. Annars getum við bara sameinað alla flokka, allt heila klabbið. Flokkar þurfa að mynda sér sérstöðu.
Getum við ekki sammælst um að fagna ólíkum skoðunum, fagna fjölbreyttri umræðu, fagna rökræðum?
Róbert Smári Gunnarsson
Höfundur er formaður Víkings - ungra Sjálfstæðismanna í Skagafirði.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.