Áfram Tindastóll, alltaf, alls staðar!
Yngriflokkastarf Kkd. Tindastóls fyrir tímabilið 2022/2023 er að hefjast og eru fyrstu æfingar þegar farnar að rúlla af stað. Í vetur eigum við von á um 200 iðkendum í öllum yngri flokkum Tindastóls, allt frá leikskólahópi (4-5ára) og upp í elsta aldurshóp. Haustið einkennist af spennu og eftirvæntingu hjá krökkunum að komast aftur á æfingar, hitta þjálfarana og liðsfélagana í íþróttahúsinu og komast aftur á reglulegar æfingar og að keppa í körfubolta eftir sumarleyfi.
Eitt af markmiðum mínum sem verkefnastjóri hjá Unglingaráði Körfuknattleiksdeildar Tindastóls er að bæta gæði og að einhverju leyti staðla árherslur yngriflokkastarfsins fyrir bæði kyn, upp alla starfandi yngri flokka til framtíðar.
Að vinna að því markmiði mun taka tíma en fyrstu skrefin hafa verið tekin og vona ég að þau lukkist vel fyrir félagið okkar.
Yngriflokkaþjálfunin verður vel mönnuð í vetur, góð blanda af íslenskum og erlendum þjálfurum, en þeir verða alls átta starfandi hjá félaginu sem hafa þjálfara-reynslu/menntun, metnað og eldmóð til að vinna sína vinnu sem skilar sér beint til iðkendanna. Með þennan mikla og viljuga mannauð innan deildarinnar viljum við auðvitað hámarka tíma iðkendanna með þjálfurunum, þó innan marka þjálffræðinnar, en takmarkandi þáttur er eins og síðastliðin ár yfirfull stundatafla íþróttahúss Sauðárkróks og getum við því aðeins vonað að verið sé að skoða alvarlega þann möguleika að bæta íþróttaaðstöðuna á Sauðárkróki öllu samfélaginu til heilla.
Það er öllum ljóst að það er mikilvægt að halda vel utan um yngri flokka félagsins því án þeirra gæti Kkd. Tindastóls ekki það sem hún er í dag, og vera þetta stóra sameiningartákn samfélagsins og eitt af því sem við Skagfirðingar getum verið svo stolt af. Körfuboltaíþróttin hefur fyrir löngu sannað sig sem eitt af einkennum Skagafjarðar, með sinni miklu stemningu sem sprakk svo eftirminnilega út síðastliðið vor með mögnuðum lokaspretti í úrvalsdeildinni og enn betri úrslitakeppni, stemning sem við viljum öll upplifa reglulega aftur.
Ef jákvæð fjölmiðlaumfjöllun úr Skagafirði sem stóru fjölmiðlarnir birta yfir árið væri tekin saman grunar mig að körfuboltalið Tindastóls séu þar ofarlega á blaði og því verðmætt að halda því á lofti í samfélagi sem vill laða til sín ungt fólk til búsetu. En ekkert við starfsemi Kkd. Tindastóls er sjálfgefið, það kostar óteljandi vinnustundir sjálfboðaliða, öfluga styrktaraðila og stuðningsfólk sem er stolt af félaginu sínu og hvetur það áfram til góðra verka.
Áfram Tindastóll, alltaf, alls staðar!
/Helgi Freyr Margeirsson
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.