Einar Kristinn í efsta sætið
Einar Kristinn hefur setið á þingi síðan 1991, gegndi stöðu sjávarútvegsráðherra frá 2005 og landbúnaðarráðherra frá síðustu kosningum þar sem hann hefur meðal annars tekist á við það flókna og þarfa verkefni að sameina ráðuneyti landbúnaðar og sjávarútvegs. Enginn vafi er á að kjördæmið hefur notið góðs af störfum Einars sem ráðherra og í gegnum störf sín hefur hann byggt upp mikilvæg sambönd innan Sjálfstæðisflokksins og ekki síður utan hans, sem munu nýtast íbúum kjördæmisins í framtíðinni. Nýir vendir sópa best segir máltækið en íbúar þessa kjördæmis sem framar öðrum byggja á þessum tveimur atvinnugreinum, sjávarútvegi og landbúnaði, þurfa á verðmætri reynslu Einars Kristins að halda í þeirri uppbyggingu sem framundan er.
Einar Kristinn hefur sýnt að hann þorir að taka af skarið og hefur tekið umdeildar ákvarðanir, enda trúað því að þær hafi verið góðar fyrir hans kjördæmi og Íslendinga í heild. Það er að vísu auðveldara að sigla milli skers og báru frekar en láta brjóta á en menn vita hinsvegar aldrei hvar þeir hafa slíka menn, sem þóknast geðþótta sínum frekar en skýrum og gegnsæum stefnumálum. Enginn þarf að velkjast í vafa fyrir hvað Einar Kristinn stendur í stjórnmálum, sem er mikilvægt í þeirri óvissu sem blasir við landsmönnum á komandi kjörtímabili.
Íslendingar hafa ekki frá lýðveldisstofnun staðið frammi fyrir jafn mikilli óvissu þar sem varasamar ákvarðanir verður að taka til að byggja upp þjóðfélagið að nýju. Íslendingar horfa fram á nauðsyn þess að ríkið standi fyrir mesta fjármagnstilflutningi sögunnar til að bjarga fyrirtækjum og einstaklingum, þar sem nauðsyn gengur gegn almennu réttlæti til að halda þjóðfélaginu saman og tryggja viðreisn atvinnulífs og einstaklinga.
Til þessara verka þurfum við duglega, reynslumikla og heiðarlega forystumenn í stjórnmálum sem þora og geta tekist á við þau gríðarlegu vandamál sem við okkur blasa. Menn sem við vitum hvar við höfum og fyrir hvað þeir standa.
Ágæti lesandi. Ég vil byðja þig að styðja við Einar Kristin á laugardaginn kemur og treysta honum til að leiða lista Sjálfstæðismanna í Norðvesturkjördæmi fyrir komandi alþingiskosningar.
Það er mikilvægt fyrir okkur að velja mann sem við þekkjum og vitum að við getum treyst til þeirra verka sem framundan eru fyrir kjördæmið og þjóðina alla. Kjósum Einar Kristin í fyrsta sætið í prófkjörinu á laugardaginn kemur.
Kristín Hálfdánsdóttir
Ísafirði
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.