Ekkert verkefni er of stórt til að hjóla í það og ná árangri. Eftir Reyni Grétarsson
Framundan eru miklir umbrotatímar í Íslensku samfélagi, prófkjör og í framhaldi kosningar til Alþingis. Ég hef lítið skipt mér af þeim drullupolli sem mér hefur sýnst pólitík vera. Síðustu mánuðir hafa sýnt að það er mikil þörf á nýjum hugsunarhætti og nýrri nálgun í íslenskum stjórnmálum. Nú er ég ekki íbúi í þessu kjördæmi, en ég á samt við ykkur erindi.
Ég vil hvetja þau ykkar sem hyggjast kjósa í prófkjöri Sjálfstæðisflokksins til að veita Sigurði Erni Ágústssyni brautargengi. Það geri ég vegna þeirrar vissu sem ég hef um að hann muni gera okkur öllum gagn, aldrei taka þátt í spillingu né láta beygja sig til að hafa aðra skoðun en sannfæring hans segir til um.
Ég hef unnið meira með Sigga en nokkrum öðrum, fyrst í byggingavinnu sem unglingar en síðar hjá Creditinfo Group hf., við uppbyggingu erlendrar starfsemi. Ekki var mikið um lognmollu eða leiðindi enda báðir framtakssamir og gefnir fyrir að sjá árangur. Ég er stoltur af því sem við náðum að skapa á þessum árum hjá Creditinfo og þakklátur Sigga fyrir hans hlut, án hans ekki er víst að svo vel hefði gengið.
Við vorum að gera hluti sem ekki höfðu verið gerðir áður og oft á erfiðum mörkuðum. Við tókumst á við margvísleg erfið verkefni sem fylgja uppgangi alþjóðlegs fyrirtækis í mörgum löndum. Siggi hefur bakgrunn og reynslu sem henta mjög vel fyrir hann, verði hann valinn á Alþingi.
Stórborgarlíf og skítmokstur standa honum ámóta nærri; hann hefur mikla reynslu úr stjórnun í alþjóðlegu farsælu fyrirtæki, á sama tíma og áhugamálin eru sveitamennska. Ekkert verkefni er of stórt til að hjóla ekki í það og ná árangri. „Af því bara“ –svör eru ekki tekin gild og Siggi lætur það ekkert halda vöku fyrir sér þótt hann strjúki einhverjum öfugt.
Á sama tíma vill hann ávalt vel og er mjög traustur drengskaparmaður. Siggi er akkúrat maðurinn sem við þurfum að senda á þing núna. Ég hvet þig til að stuðla að því.
Reynir Grétarsson
Forstjóri og stofnandi Creditinfo Group hf.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.