Ekki fresta vandanum - Lausnir strax
Nú eru um sjö mánuðir síðan fjármálakerfið hrundi og enn hefur ríkisstjórninni ekki tekist að koma á eðlilegum bankaviðskiptum. Fyrir um tveimur mánuðum lögðu framsóknarmenn fyrir ríkisstjórnina efnahagstillögur í átján liðum. Þeim var ýtt út af borðinu án þess að aðrar kæmu í staðin. Enn er þjóðin án lausna þó ríkisstjórnin hafi þær í hendi sér.
Þær hugmyndir sem Vinstri græn (VG) hafa lagt fram gera flestar ráð fyrir því að ríkið yfirtaki rekstur fyrirtækja, stofnana og jafnvel heimila með því að setja þeim tilsjónarmann. Innköllun veiðiheimilda án þess að segja hvernig eigi þá að úthluta honum aftur þýðir ríkisvæðingu fiskveiðanna. Frambjóðandi VG á austurlandi hefur sagt að ríkið skuli kaupa allar jarðar og þar með er búið að ríkisvæða landbúnaðinn. Ríkið á nú þegar alla helstu banka landsins. Draumur VG er að stofna eigarhaldsfélag um þau fyrirtæki er fara í þrot og teljast „mikilvæg“.
Fjármálaráðherra, Steingrímur J. Sigfússon samþykkti að afskrifa þrjá milljarða af skuldum Moggans. Sami ráðherra ákvað að skipta um kennitölu á Pennanum – Eymundsson og reka áfram sem ríkisfyrirtæki í samkeppni við einakaðilana. Hvað með heimilin? Hvað með önnur fyrirtæki?
Ríkisvæðing þjóðfélagsins er ekki lausn á þeim vanda sem blasir við. Hin austur-evrópska hugmyndafræði VG féll líkt og frjálshyggjan hefur nú fallið.
Lausnin á vanda þjóðarinnar felst í að virkja þann kraft sem í henni býr. Það gerum við með því að skapa umhverfi sem hvetur til sköpunar, virkjun hugmynda og vinnusemi. Framsóknarflokkurinn hefur lagt fram tillögur er lúta að því að skapa þetta umhverfi. Við teljum að fyrsta skrefið sé að leiðrétta skuldastöðu heimila og fyrirtækja með 20% leiðréttingu skulda. Sú aðgerð tryggir fleirum húsnæði, minnkar líkur á hruni á fasteignamarkaði og lágmarkar fjölda fyrirtækja sem annars fara í þrot.
Leið þessi kostar ríkissjóð og skattgreiðendur ekki neitt þar sem gert er ráð fyrir samningum við erlenda eigendur skuldanna um leiðréttingu. Þeirra hagur felst í því að gefa eftir hluta af skuldunum þannig að fleiri geti greitt. Allir tapa á því að gera ekki neitt og láta fjöldann fara í þrot.
Forsenda þess að komast út úr kreppuni er að bjarga heimilum og fyrirtækjunum. Aðeins þannig getum við náð landi. Framsóknarflokkurinn hefur lagt fram tillögur um lausnir. Til þess að þær nái fram að ganga þarf flokkurinn góða kosningu á laugdardaginn.
Gunnar Bragi Sveinsson
Höfundur skipar 1. Sæti á lista Framsóknarflokksins í Norðvesturkjördæmi.
Fleiri fréttir
-
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira -
Opið fyrir umsóknir í Slipptöku Driftar EA 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 12.16Drift EA er að fara af stað með mjög spennandi nýsköpunarprógramm fyrir frumkvöðla og teymi með þróaðar hugmyndir. Um er að ræða fjórar vinnustofur sem endar á kynningu – og getur opnað leið fyrir þátttakendur inn í Hlunninn, ársprógramm með fjármagni, ráðgjöf og stuðningi. Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn.Meira -
Afmælishátíð Hollvinasamtaka HSB
feykir.is Austur-Húnavatnssýsla, Lokað efni 25.04.2025 kl. 09.45Þann 19. apríl voru 20 ár frá stofnun Hollvinasamtaka HSB. Að því tilefni verður efnt til afmælishátíðar í húsakynnum HSN á Blönduósi, næstkomandi sunnudag 27. apríl kl. 13:00-16:00.Meira -
Ægir Björn keppir á WodlandFest
feykir.is Skagafjörður, Íþróttir 25.04.2025 kl. 09.30Í morgun byrjaði hin fræga WodlandFest í Malaga á Spáni en þetta er einn af stærstu CrossFit viðburðum ársins í greininni og stendur yfir í þrjá daga. Þarna keppist besta CrossFit íþróttafólk í heimi um sæti á verðlaunapallinum og þeir sem enda í tveimur efstu sætunum fá keppnisrétt á Crossfit heimsleikana. Þessi viðburður sameinar því keppni, samfélag og adrenalín í umhverfi sem er hannað til að hvetja til mikilleika í CrossFit heiminum.Meira -
Styrktarhlaup Einstakra barna þann 1. maí á Króknum
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 08.33Það er að skapast sú fallega hefð að halda styrktarhlaup þann 1. maí á Sauðárkróki fyrir Einstök börn. Allt skipulag í kringum hlaupið er í höndum hlaupahópsins 550 Rammvilltar en fyrst hlaupið var haldið árið 2023. Þetta er því í þriðja skiptið sem þær stöllur setja þennan viðburð á og hefur þátttaka farið fram úr björtustu vonum. Rúmlega 200 manns hlupu, gengu eða hjóluðu sér til gamans í fyrra og vonast skipuleggjendur að svipuð þátttaka verði þetta árið. Nú þarf bara að grafa upp hlaupaskóna og koma sér í hlaupagírinn fyrir 1. maí.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.