Vinnustaðaklasinn í frystihúsinu á Hofsósi hlaut styrk
Eyjólfur Ármannsson innviðaráðherra hefur úthlutað rúmum 27 milljónum kr. í styrki til 14 verkefna til að styðja við uppbyggingu vinnustaðaklasa á landsbyggðinni. Styrkirnir eru veittir á grundvelli byggðaáætlunar. Markmiðið er að fjölga atvinnutækifærum og auka fjölbreytileika starfa á landsbyggðinni. Eitt verkefni á Norðurlandi vestra hlaut styrk en vinnustaðaklasinn í gamla frystihúsinu á Hofsósi fékk úthlutað fjórum milljónum í flokknum Ný uppbygging á miðlungssvæði.
Þetta er í annað sinn sem styrkir eru veittir sérstaklega til að efla vinnustaðaklasa á landsbyggðinni, en í mars sl. úthlutaði ráðherra fimmtíu milljónum til 26 vinnustaðaklasa.
Vinnustaðaklasi er skilgreindur sem skipulagt og samnýtt vinnurými þar sem fjölbreytt vinnuaðstaða stendur til boða fyrir fleiri en einn vinnustað eða starfsstöðvar vinnustaða. Styrkhæfir voru aðilar sem reka vinnustaðaklasa utan höfuðborgarsvæðisins.
Styrkir skiptist í ólíka flokka eftir svæðum, íbúafjölda og eftir því hversu rótgróin starfsemin er. Í forgangi voru minni staðir þar sem atvinnulíf er einhæft, svæði sem hafa orðið fyrir verulegum áföllum í atvinnulífi eða svæði á fámennum vinnusóknarsvæðum.
Sjá má lista yfir þau verkefni sem hlutu styrki með því að smella hér >
Heimild: Stjórnarráðið.is
Fleiri fréttir
-
Silfrastaðakirkja er komin heim
feykir.is Skagafjörður, Mannlíf, Lokað efni 05.11.2026 kl. 11.10Í gær 4. nóv. lauk 5 ára dvöl Silfrastaðakirkju á Sauðárkróki en þar hefur hún verið til endurbyggingar hjá Trésmiðjunni Ýr. Þar var hún undir verndarvæng Bjössa Svavars, Einars Guðmunds og fleirri góðra manna. En sem sagt þá var loks allt klárt til þessa að flytja kirkjuna heim. Mættur var Árni Helgason frá Ólafsfirði og kranamaður hans, Sigurður Ólafsson. Árni hafði séð um að hífa kirkjuna fyrir 5 árum og taldi rétt að klára verkið. Einar á Kúskerpi var svo mættur með treilerinn sinn til aka gripnum heim eins og hann hafðu gert hérna um árið. Guðmundur Sigurðsson frá Minjastofnun hafði eftirlit með flutningum.Meira -
180 börn á hrekkjavökuballi á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.11.2026 kl. 10.46Það var heldur betur líf og fjör í Félagsheimilinu á Blönduósi í gærkvöldi þegar 180 börn á aldrinum 10–12 ára af öllu Norðurlandi vestra komu saman á hrekkjavökuballi. Félagsheimilið var skreytt í anda hrekkjavökunnar og mátti sjá alls konar skemmtilegar og skrautlegar fígúrur á svæðinu.Meira -
Tröll geta verið krútt
feykir.is Skagafjörður, Listir og menning 05.11.2026 kl. 09.53Ímyndanaraflið fékk að malla af miklum móð á Héraðsbókasafni Skagfirðinga á Sauðárkróki nú á mánudaginn. Þá mætti brúðulistakonan Greta Clough frá Hvammstanga til leiks og leiðbeindi áhugasömum ungum listamönnum í tröllagerð. Tröllabrúðusmiðja fyrir börn var hluti af dagskrá barnamenningarhátíðarinnar Skúnaskralls sem lauk reyndar í gærkvöldi með skralli á Blönduósi.Meira -
Einar Kára og Sigurður Hansen kynna nýja bók í Kakalaskála
feykir.is Skagafjörður, Listir og menning, Mannlíf 05.11.2026 kl. 09.07Feyki barst óvænt á síðustu stundu auglýsing í síðasta tölublað þar sem tilkynnt var um fögnuð í Kakalaskála í Blönduhlíð í tilefni af útkomu bókar Einars Kárasonar um húsráðanda, Sigurð Hansen. Það verða örugglega margir sem hlakka til þess að orna sér með þá sögumenn í kjöltunni, enda segir í auglýsingunni: Bráðskemmtileg bók í skagfirskum gleðianda! Feykir spurði Einar út í bókina, Sigga og útgáfufögnuðinn sem verður í Kakalaskála kl. 17 á laugardaginn.Meira
