Menningarhús í Skagafirði
Laust fyrir síðustu aldamót kynnti ríkisstjórn Íslands áform um að styðja við byggingu menningarhúsa í fimm sveitarfélögum, og var Skagafjörður þar með talinn. Sums staðar voru byggð ný hús, eins og Hof á Akureyri, annars staðar voru eldri hús gerð upp eins og á Ísafirði.
Við Skagfirðingar ákváðum að fara svipaða leið og Ísfirðingar, þó að okkar tillaga gerði einnig ráð fyrir nýbyggingu á Sauðárkróki.
Tillaga okkar var þríþætt:
1. Menningarmiðstöð á Sauðárkróki.
2. Tónlistar- og ráðstefnuhúsið Miðgarður, Varmahlíð.
3. Sviðslistahúsið Bifröst, Sauðárkróki.
Á þessum tíma hafði sveitarfélagið þegar lokið endurbótum á Bifröst og árið 2005 var skrifað undir samning við ríkið um Miðgarð, sem byggður var á áætlun frá vorinu 2004. Samkvæmt þeirri áætlun átti heildarkostnaður við Menningar-húsin að vera 462 milljónir (362 m. á Sauðárkrók og 100 m. í Miðgarð) og átti ríkið að fjármagna 60% af byggingarkostnaði. Hefjast átti handa sem fyrst við Miðgarð og síðan við Safnahúsið í beinu framhaldi.
Þegar ég hætti í sveitarstjórn og þar með sem formaður byggingarnefndar vorið 2006, þá var búið að bjóða út endurbætur á Miðgarði, sem hófust árið 2007 eftir nokkra kyrrstöðu hjá sveitarstjórninni sem tók við.
Því miður varð kyrrstaðan varanlegri á Sauðárkróki, en nú heyrist að taka eigi málið upp á ný og eru það góðar fréttir. Það hefði vissulega þurft að gera áður en sveitarfélagið fór í þær breytingar sem gerðar voru á Safnahúsinu.
Á síðasta fundi bygginganefndar vorið 2006 lagði ég fram teikningar sem Ivon Stefán Cilia (sá sem teiknaði upp Miðgarð) gerði af menningarmiðstöð á Sauðárkróki. Þessar teikningar voru aðeins frumdrög, en samkvæmt þeirri hugmynd átti að byggja nýtt hús sunnan safnahússins og tengja húsin saman með glerhýsi, sem átti að vera nokkurs konar yfirbyggt torg.
Þó að áform ríkisstjórnarinnar hafi gert ráð fyrir tíu ára ferli vona ég að ríkið standi við það sem um var samið árið 2005 og að menningarmiðstöðin rísi á Sauðárkróki. Vona einnig að þau sem taka við keflinu kynni sér þá vinnu og þau gögn sem til eru í málinu.
Gísli Gunnarsson
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.