Nýtum tækifærin og náum árangri saman
Nú á laugardaginn 21. mars munu sjálfstæðismenn í Norðvesturkjördæmi velja hverjir skuli skipa lista flokksins fyrir komandi kosningar til Alþingis. Það er mikið verk fyrir höndum og mikilvægt að til starfans veljist öflugt fólk. Ég vil leggja mitt af mörkum. Það skiptir máli að til starfans veljist fólk með sterka framtíðarsýn, fólk sem er reiðubúið að nýta þau tækifæri sem til staðar eru með hagsmuni Íslands og íslendinga fyrir augum. Jafnframt þarf að draga lærdóm af því sem miður fór. Íslendingar eru dugnaðarþjóð og þegar erfiðleikar og þrengingar vofa yfir þá brettir fólk upp ermar og tekst á við það sem að höndum ber með krafti og æðruleysi. Með Sjálfstæðisflokkinn í broddi fylkingar hef ég fulla trú á að okkur muni takast að vinna bug á þeim vanda sem við blasir og sýna öllum hvað í Íslendingum býr.
Sjálfstæðisflokkurinn er lýðræðisflokkur sem setur traust sitt og trú á sérhvern einstakling í samfélaginu í þeirri vissu, að fái frumkvæði hans, framkvæmdaþróttur og kapp notið sín, miði skjótast áfram. Stefna flokksins miðast við það, að menn fái notið ávaxta verka sinna og sjái tilgang í því að leggja sig allra fram. Því miður er aðstaðan nú þannig að ekki allir sjá þennan tilgang. Ég vil vinna í anda sjálfstæðisstefnunnar að víðsýnni og þjóðlegri umbótastefnu á grundvelli einstaklingsfrelsis og atvinnufrelsis með hagsmuni allra stétta fyrir augum. Þannig hjálpum við fólki að finna þennan tilgang á ný, þannig hjálpum við íslensku þjóðinni að öðlast aftur trúna á sjálfa sig.
Prófkjör eru ykkar leið til þess að hafa áhrif, ykkar leið til þess að veita nýju fólki með nýjar hugmyndir og nýjar áherslur brautargengi. Það er mikið verk fyrir höndum. Ég vil tryggja að hin góðu gildi sjálfstæðisstefnunnar verði hornsteinn þess endurreisnarstarfs sem framundan er. Ég vil ganga til þessa verks í ykkar umboði og nýta þau tækifæri sem til staðar eru og ná árangri. Ég treysti á ykkar stuðningi í 3. sæti á lista Sjálfstæðisflokksins í Norðvesturkjördæmi þann 21. mars 2009.
Garðar Víðir Gunnarsson frambjóðandi í 3. sæti í prófkjöri Sjálfstæðisflokksins í Norðvesturkjördæmi.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.