Pistill um ekki neitt - Áskorendapenninn Dagný Marín Sigmarsdóttir, Skagaströnd
Þegar Marín frænka hringir og virðist hafa þá ofurtrú að það sé upplagt að þú setjist við skriftir og taki áskorun hennar um að skrifa pistil í Feyki, hvað getur maður sagt. Allavega tók ég þeirri áskorun og hélt að þetta yrði nú ekkert vandamál. En fljótlega varð ég alveg mát, um hvað átti ég eiginlega að skrifa. Eitthvað jákvætt og skemmtilegt og alls ekki pólitík, lagði dóttir mín til.
Eftir mikil heilabrot og allskonar hugmyndir var ég komin á þá skoðun að skrifa bara um ekki neitt, en má það og er það hægt? Varla, þar sem sá pistill myndi án efa vera um ekki neitt og þar af leiðandi strax komið umfjöllunarefni og væri þá ekki lengur um ekki neitt. Það væri nú líka bara sóun á pappír og uppljóstrun á hvað ég væri lélegur penni.
En stundum lítur út fyrir að það sé bara ekkert að ske og við ekki að gera neitt. Oft þegar við erum spurð; hvað ertu að gera? þá er svarið; ekki neitt! En er það rétt? Við erum þá allavega ekki að gera neitt, þannig að í raun erum við að gera eitthvað, þ.e.s ekki neitt. Innheimtuþjónusta nokkur notar slagorðið „ekki gera ekki neitt“ þegar við höfum gleymt að greiða reikningana okkar og það á vel við þegar maður lendir í svoleiðis veseni. Stundum getum við lent í aðstæðum þar sem beinlínis er stórhættulegt að gera ekki neitt. Sem sagt það er ekki hægt að gera ekki neitt?
Nei, við erum alltaf að gera eitthvað og flestir hafa allt of mikið að gera. Aðgerðarleysi er yfirleitt heldur ekki talið gott en getur stundum bara verið betra. En á sama hátt getum við spurt hvort sá sem þegir sé ekki að segja neitt. En er það rétt? Þögn er sama og samþykki, er oft sagt, og betra er að segja ekki neitt en að blaðra einhverja vitleysu. Akkúrat, ég hefði aldrei átt að byrja á þessum skrifum um ekki neitt. Af hverju skipti ég ekki um skoðun ?
Gerum meira af því að gera ekki neitt þegar það á við og svo líka allt annað. Höfum skoðanir og segjum hvað okkur finnst en við þurfum samt ekki að tjá okkur um alla skapaða hluti, stundum er betra bara að þegja.
Í þessum pistli kemur orðasamsetningin „ekki neitt“ fyrir 14 sinnum svo líklega er markmiðinu náð að skrifa um ekki neitt.
Takk fyrir og góðar stundir.
Ég skora á Veru Ósk Valgarðsdóttir, skólastjóra í Höfðaskóla hér á Skagaströnd að taka við áskorendapennanum.
Áður birst í 10. tbl. Feykis 2019
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.