Stór dagur í dag

Í dag eru alþingiskosningar. Þá er mikilvægt að mæta á kjörstað og nýta kosningaréttinn. Það er alltaf mikilvægt, en ekki síst núna þegar kannanir benda til þess að níu flokkar geti náð kjöri, og margir þeirra eru eins, og sumir undan hvorum öðrum. Þá er mikilvægt að breiðfylking sé til staðar á pólitíska litrófinu.

Þú getur kosið til vinstri, um hærri útgjöld í alls konar með tilheyrandi skattahækkunum. Þú getur kosið öfgakenndar breytingar og þú getur kosið umræðuhefð þar sem ein skoðun er rétt.

En þú getur líka kosið betri framtíð.

Í dag ætlum við að kjósa til framtíðar. Við ætlum að kjósa ábyrga efnahagsstjórn og jöfnuð, þar sem skattar eru lækkaðir, fólkið sett í forgang. Þar sem ráðist er í fjárfestingar, sem eru verðmætaskapandi og atvinnuskapandi. Við ætlum að kjósa frelsi einstaklingsins svo hann geti blómstrað og látið gott af sér leiða í fjölbreyttu samfélagi. Fjölbreytni þrífst best í frjálsu samfélagi, því frelsi er forsenda fjölbreytni.

Í dag getur þú kosið Sjálfstæðisflokkinn, og Þórdísi Kolbrúnu til forystu í Norðvesturkjördæmi.

Höfundar eru ungir Skagfirðingar
Róbert Smári Gunnarsson
Gréta María Halldórsdóttir
Jón Grétar Guðmundsson
Jóhann Daði Gíslason
Sigurður Hauksson
Jóel Þór Árnason
Hjörtur Atlason

 

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir