196 athugasemdir við aðalskipulag Húnavatnshrepps
Á fundi hreppsnefndar Húnavatnshrepps kom fram að alls bárust 196 athugasemdir við aðalskipulag Húnavatnshrepps. Athugasemdir um að Húnavallaleið sé ekki á aðalskipulaginu voru samtals 190, þar af voru 164 algjörlega samhljóða, en í 26 athugasemdum komu fram mismunandi áherslur varðandi Húnavallaleið.
Hreppsnefnd yfirfór framkomnar athugasemdir og taldi ekki forsendur til að gera breytingar á aðalskipulaginu vegna athugsemda varðandi Húnavallaleið. Athugasemd barst frá eigendum jarðanna Köldukinnar og Köldukinnar 2, þar sem mótmælt var legu reiðvegar um lönd þeirra. Hreppsnefnd samþykkti að verða við athugasemdinni og að reiðvegur verði fjarlægður af skipulagi.
Athugasemd barst frá eiganda jarðanna Grænuhlíðar og Smyrlabergs, þar sem óskað er eftir að reiðleið um þessar jarðir verði afmáð af skipulagsuppdrætti. Einnig að texti varðandi áningarhólf við Smyrlaberg verði fjarlægður úr greinargerð. Hreppsnefnd samþykkti að verða við athugasemdinni og að reiðvegur og umfjöllun um áningahólf verði fjarlægt af skipulagi.
Athugasemd barst frá landeigendum Gilár/Marðarnúps um að hverfisvernd Gilárgils/Marðarnúpsgils (H8) verði felld niður. Hreppsnefnd samþykkti að verða við athugasemdinni og fella út hverfisvernd á svæði merktu H8-Gilárgil/Marðarnúpsgil í endanlegum frágangi skipulagstillögunnar. Athugasemd barst frá Landeigendum á Hjallalandi um að orðið Hvammsskriður í landi
Hjallalands verði tekið út úr skipulagsuppdráttum og greinargerð og nafninu breytt í skriður í Vatnsdalsfjalli. Hreppsnefnd samþykkti að verða við athugasemdinni og að nafni í uppdráttum og greinargerð verði breytt úr Hvammsskriður í skriður í Vatnsdal.
Athugasemd barst frá Vegagerðinni um að á skipulagið vanti malarslitsnámu í landi Syðri- Löngumýrar og einnig námu á Blöndueyrum í landi Ytri-Löngumýrar. Hreppsnefnd samþykkti að verða við athugasemdinni og námunum verði bætt inn á uppdrætti og greinargerð.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.