29 leiksýningar í Bifröst
Á heimasíðu Árskóla segir frá því að síðustu vikur hafa nemendur Árskóla verið önnum kafnir við árshátíðar-sýningar og undirbúning og má með sanni segja að einkunnarorð skólans LIFA-LEIKA-LÆRA hafi verið ríkjandi í skólastarfinu. Árshátíð miðstigs var í byrjun mars. Þar var 5. - 7. bekkur með tveggja daga árshátíð þar sem þemað var stjörnur og voru tvær sýningar hvorn dag fyrir fullu húsi. Ágóði sýninganna rann í ferðasjóð 7. bekkjar, en nemendur í 7. bekk hafa unnið að fjáröflun í vetur fyrir ferðasjóð sinn. Um þessar mundir eru þeir í óða önn að leggja drög að skólablaði sínu, Skólatralli, sem kemur út á vordögum.
4. bekkur var með sína árshátíð í Bifröst 7. mars og tókst hún með miklum ágætum.
10. bekkur frumsýndi barnaleikritið Glanna glæp í Latabæ 29. mars. Leikstjóri var Guðbrandur Ægir Ásbjörnsson, en auk hans komu umsjónarkennarar í 10. bekk og fleiri starfsmenn að aðstoð við búninga, söng o.fl. Allir nemendur 10. bekkjar komu að sýningunni, sumir sem leikarar, aðrir með hlutverk á bakvið tjöldin, s.s. sviðsmenn, smiðir, miðasölufólk, nokkrir sáu um förðun, leikmuni, búninga og hárgreiðslu eða sinntu tæknimálum. Allur ágóði af sýningunum rennur í ferðasjóð 10. bekkinga, en stefnt er á Danmerkur- og Svíþjóðarferð í vor.
Nemendur yngsta stigs héldu árshátíðir sínar í Bifröst nú í byrjun apríl og tókust þær með miklum ágætum.
1. bekkur sýndi að venju Ávaxtakörfuna og hefur sú hefð gefið góða raun. 2. bekkur sýndi Dýrin í Hálsaskógi og 3. bekkur Kardemommubæinn, að sjálfsögðu í styttri útfærslu sem hentar ungum og upprennandi leikurum.
Með leiksýningum 8. og 9. bekkjar fyrir jól telst okkur til að sýningar nemenda í Bifröst á þessu skólaári séu 29 og flestar fyrir fullu húsi, sem þýðir að hátt í 3000 manns hafa séð leiksýningarnar.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
