39% aukning heimsókna í Minjahúsið
Í sumar komu 5217 manns í Minjahúsið á Sauðárkróki, sem er 39% aukning frá í fyrra. Af þeim voru 2015 erlendir ferðamenn. Nær helmingur þeirra var í leit að upplýsingum. Minjahúsið var opið milli eitt og níu og var gerður góður rómur að því meðal heimamanna að lengja opnunartímann fram á kvöldið, sem reyndar fáir nýttu sér þótt margir hefðu verið á ferðinni, bæði akandi og gangandi.
Í júlí kannaði Safnaráð upplifun safngesta á ýmsum sýningarstöðum safna í landinu í samstarfi við söfnin. Minjahúsið var einn þessara sýningarstaða. Af könnuninni er margt hægt að læra um það sem betur má fara. Viðbrögð gesta voru fremur dræm. Könnunin lá frammi, við innganginn, þannig að gestir sáu hana á leiðinni inn og svöruðu henni ótilkvaddir á leiðinni út. Samtals 1958 gestir komu í Minjahúsið á meðan könnunin stóð yfir og af þeim svöruðu 30 manns fyrstu nokkrum spurningunum og 19 af þeim svöruðu flestum. Af þeim voru 77% að koma í fyrst sinn í Minjahúsið. Aðrir höfðu komið áður. Flestir voru á ferð með fjölskyldu eða vinum. Spurðir um hvar þeir hefðu frétt af sýningunum höfðu flestir orðið varir við ábendingar um þær á leið um Sauðárkrók en nær jafnmargir höfðu frétt af þeim hjá vinum og kunningjum.
Þegar kom að því að gefa upplifuninni einkunnir lýstu flestir sig ánægða með aðgengi, móttöku og upplýsingar. Safnheimsóknin fékk 8,5 í heildareinkunn af 10 mögulegum, frá þeim 20 gestum sem gáfu þeim atkvæði, þegar spurt var um hvort sýningarnar væru barnvænar fengu þær 7,8 sem segir að eitthvað megi laga í því efni. Sýningarnar fengu 8,4 fyrir möguleikann til að læra eitthvað nýtt, sem gott fræðsluefni og fyrir innihald og uppsetningar, en fyrir gagnvirkni fengu þær falleinkunnir hjá þeim 13 sem svöruðu þeirri spurningu. Þótt þátttakan hafi ekki verið mikil þá má vel sjá ýmis skilaboð í könnuninni sem starfsfólk safnsins mun nýta sér.
Fleiri fréttir
-
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.