5000 ljósmyndir tilbúnar til birtingar á netinu
Á nýliðnu ári fékk Skjalasafn Skagfirðinga styrki frá Menningarráði Norðurlands vestra og Þjóðhátíðarsjóði til uppbyggingar ljómyndavefs á Netinu. Rökkvi Sigurlaugsson var ráðinn tímabundið til að skanna ljósmyndir úr safni Páls Jónssonar og voru þá skannaðar um 2000 ljósmyndafilmur.
Undir lok ársins voru um 5000 ljósmyndir tilbúnar til birtingar á netinu. Á nýju ári verður farið í verulegt átak til að skanna allt að 20.000 ljósmyndir. Þrjú héraðsskjalasöfn taka þátt í sameiginlegu verkefni þar sem ráðnir verða 6 starfsmenn, tveir á hverjum stað til að skanna, skrá og vinna myndir til birtingar á Netinu. Undir lok ársins samþykkti Alþingi að veita veglegan styrk til verkefnisins á fjárlögum 2011 og koma 4,5 milljónir í hlut Héraðsskjalasafns Skagfirðinga.
-Ljósmyndaverkefnið hefur verið undirbúið um árabil. Keyptur hefur verið nauðsynlegur hugbúnaður til að gera okkur kleift að birta myndir á Netinu og halda utan um stór ljósmyndasöfn. Vefurinn hefur enn ekki verið opnaður en það verður gert á næsta ári. Opnun slíks vefs verður ekki aðeins til þess að almenningur hafi betri aðgang að þeim gögnum sem varðveitt eru á safninu, heldur skapar hann gátt, þannig að almenningur geti sent inn upplýsingar um ljósmyndir og orðið til þess að fleiri íhugi að afhenda til okkar gömul myndaalbúm eða myndasöfn, segir Unnar Ingvarsson í ársskýrslu Skjalasafnsins.
Eitt af meginmarkmiðum með stofnun Héraðskjalasafns Skagfirðinga á sínum tíma, var að safna ljósmyndum af Skagfirðingum og atburðum í Skagafirði. Áætlað er að safnið varðveiti um 80-100.000 ljósmyndir. Líklega hefur safnið allt að tvöfaldast á síðustu tveimur árum. Munaði mestu um myndasafn Örlygs Hálfdanarsonar og Brunos Schweizer sem verður varðveitt á safninu. Talið er að þær myndir séu um 30.000. Safnið er vel skráð en til stendur að búa til sérstaka vefsíðu, þar sem hægt verður að nálgast einstakar myndir úr safninu.
Fleiri fréttir
-
„Miðflokkurinn í Skagafirði fordæmir alfarið fordóma er varða kyn, kynferði og kynvitund“
feykir.is Skagafjörður 18.04.2026 kl. 18.45Töluverð umræða hefur skapast um orð Snorra Mássonar, varaformanns Miðflokksins, um fána hinsegin fólks í skólum landsins. Af þessu tilefni hefur Feyki borist yfirlýsing frá Högna Elfari Gylfasyni og Jódísi Helgu Káradóttur sem skipa tvö efstu sæti Miðflokksins í Skagafirði. Þar segir meðal annars að „...þessi orðræða á ekki á nokkurn hátt samhljóm með stefnu Miðflokksins og hreint alls ekki um framboð flokksins hér í Skagafirði.“ Tilkynningin er birt í heild sinni í fréttinni.Meira -
Tekið til kostanna í kvöld
feykir.is Skagafjörður, Íþróttir, Mannlíf 18.04.2026 kl. 12.25í reiðhöllinni Svaðastöðum verður líf og fjör í kvöld því þar verður „Tekið til kostanna" hestasýning með léttum brag. Skagfirskir hestar og menn í öllum útgáfum. Sérstaklega má nefna „Töltgrúbbuna" hóp glæsikvenna sem æft hafa vikum saman munsturreið sem þær munu sína gestum.Meira -
Hefur þú prufað að gera í heimagert paté?
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 18.04.2026 kl. 08.32Í tölublaði 44, 2025, sem kom út um miðjan nóvember þá vildi svo skemmtilega til að ég var nýbúin að fara á jólahlaðborð og að sjálfsögðu þá klikkaði maturinn ekki. Ég verð að viðurkenna að ég er hrifnari af forréttunum og þá sérstaklega paté-inu. Ég hef velt því fyrir mér hvort ég ætti að reyna að gera paté sjálf og fór á stúfana á netinu. Það var reyndar ekki auðvelt að finna þær en hér koma tvær. Fyrri uppskriftin er af síðunni Gulur rauður grænn og salt og var Högni S. Kristjánsson gestabloggari hjá þeim. Hann var einnig með uppskrift af rauðlaukssultu sem fær að fljóta með. Seinni uppskriftin er af síðunni www.kryddogkrasir.com.Meira -
Skagafjörður sem áfangastaður - grípum tækifærin | Rósanna Valdimarsdóttir skrifar
feykir.is Skagafjörður, Aðsendar greinar 17.04.2026 kl. 15.35Ég hugsa oft um hvaða upplifun ferðamenn fara heim með eftir heimsókn til okkar í Skagafjörð. Ferðalög eru í mínum huga það eina sem ég eyði peningum í sem gerir mig ríkari. Ekki af hlutum, heldur af minningum, nýjum sjónarhornum og sögum sem móta mig og hvernig ég hugsa. Hver einasta ferð gefur mér eitthvað sérstakt sem ég fæ hvergi annars staðar keypt fyrir peninga.Meira -
Viðtal við Pétur Rúnar, herra Skagafjörð
feykir.is Skagafjörður, Íþróttir 17.04.2026 kl. 11.30Á facebooksíðu Körfuknattleiksdeildar Tindastóls kemur fram að kominn sé í loftið nýr þáttur af myndvarpinu „Stóllinn”! Myndvarpið er unnið í samstarfi við Kvikmyndabraut Fjölbrautaskóli Norðurlands vestra.Meira
