65 brautskrást frá Hólum
 3. september, voru 65 nemendur brautskráðir frá Háskólanum á Hólum, við hátíðlega athöfn í Hóladómkirkju. Rektor, Skúli Skúlason, ávarpaði nemendur, starfsmenn og aðra gesti, sem hann bauð að vanda velkomna heim í Hóla. Að ræðu rektors lokinni tóku deildarstjórarnir Kristina Tryselius, Bjarni Kristófer Kristjánsson og Víkingur Gunnarsson við, fluttu stuttar tölur og afhentu síðan prófskírteinin, hvert í sinni deild. Jón Þorsteinn Reynisson spilaði á harmoniku á milli atriða.Því miður voru allmargir þessara 65 nemenda fjarverandi, enda brautskráningin við óvenjulegar aðstæður, sem sköpuðust af hestapestinni. Brautskráðir skiptust svo, á milli deilda og brauta: Frá ferðamáladeild útskrifuðust þrír nemendur með diplómu í viðburðastjórnun, og sjö með diplómu í ferðamálafræðum. Sérstaka viðurkenningu fyrir besta námsárangur hlutu þau Guðfinna Sif Helgadóttir, fyrir viðburðastjórnun, og Helgi Þorsteinsson, fyrir ferðamálafræði. Úr fiskeldis- og fiskalíffræðideild útskrifaðist einn nemandi, með diplómu í fiskeldisfræðum. Alls útskrifuðust 27 sem hestafræðingar og leiðbeinendur. Anna-Lena Aldenhof hlaut viðurkenningar fyrir hæstu meðaleinkunn og fyrir hæstu einkunn í kennslufræði á leiðbeinendastigi. Auk þess hlaut hún Eiðfaxabikarinn. Sina Scholz fékk reiðmennskuverðlaun FT og Morgunblaðsskeifuna, sem er veitt fyrir besta samanlagðan árangur í reiðmennsku. 19 brautskráðust með diplómu í tamningum. Sylvíu Sigurbjörnsdóttur var veittur tamningabikar FT, fyrir hæstu meðaleinkunn. Það voru sjö, sem útskrifuðust sem þjálfarar og reiðkennarar. Samkvæmt hefðinni færði formaður FT, Sigrún Ólafsdóttir, þá í einkennisjakka félagsins við útskriftarathöfnina, en því miður voru einungis tveir þeirra viðstaddir. Sigvaldi Lárus Guðmundsson hlaut bæði Morgunblaðshnakkinn, fyrir hæstu meðal einkunn, og LH-styttuna, fyrir besta árangur í kennslufræði og reiðkennslu. Laura Benson vann til Ástundarhestsins, sem er veittur fyrir hæstu meðaleinkunn fyrir reiðmennsku. Að lokum útskrifaðist einn nemi með BS-gráðu í hestafræðum, en sú braut er sameiginlegt verkefni Háskólans á Hólum og Landbúnaðarháskólans á Hvanneyri. Kaffisamsæti var í húsnæði skólans, að athöfn lokinni. |
Fleiri fréttir
-
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.