Að loknu Ljómaralli
Miklar sviftingar voru í Ljómaralli sem fram fór í Skagafirði sl. laugardag. 23 áhafnir voru skráðar til leiks í keppninni sem haldin var á vegum Bílaklúbbs Skagafjarðar. Ljómarallið var þriðja keppnin af fimm keppnum sem haldnar eru í Íslandsmótinu í ár og baráttan um stigin því í algleymingi.
Eknar voru fjórar sérleiðir um Mælifellsdal, tvær um Vesturdal og í lok dagsins var ekið um Nafir, sérleið innanbæjar á Sauðárkróki.
Óhætt er að segja að akstursskilyrði hafi verið mjög krefjandi því þétt þoka var á köflum á Mælifellsdal og á Vesturdal gerði mikla úrkomu. Átta áhafnir urðu frá að hverfa vegna bilana keppnistækja eða vegna þess að vegurinn var í raun annars staðar en þeim sýndist í fyrstu.
Hraðast allra ökumanna fór Daníel Sigurðarson. Vegna veikinda skipti hann um aðstoðarökumann í keppninni og var í kjölfarið ekki á blaði í útgefnum úrslitum. Birt úrslit kunna mögulega að breytast eftir kærumeðferð. Af og til koma upp mál sem varða málsmeðferð og túlkun á reglum og er því vísað áfram til nánari skoðunar.
Eins og úrslit standa nú urðu Gunnar Karl Jóhannesson og Björvin Benediktsson í fyrsta sæti, en Gunnar Karl hefur að undanförnu keppt erlendis, þrátt fyrir ungan aldur.
Í öðru sæti urðu Valdimar Jón Sveinsson sem glöggir lesendur kannast mögulega við úr torfærukeppnum og aðstoðarökumaður hans Sigurjón Þór Þrastarson.
Í þriðja sæti urðu svo Hjörtur Pálmi Jónsson og Ísak Guðjónsson sem settustu saman inn í keppnistæki eftir 17 ára aðskilnað á þeim vettvangi. Þeir urðu jafnframt hlutskarpastir í eindrifsflokki.
Í AB varahlutaflokknum sigruðu systkinin Óskar Kristófer og Halldóra Rut en þau hófu einmitt keppni í rally fyrir nákvæmlega einu ári síðan þegar þau skráðu sig til leiks í Ljómaralli í Skagafirði.
Í öðru sæti í AB varahlutaflokknum urðu Skafti Ragnar Skúlason og Hanna Rún Ragnarsdóttir og þriðja sætið kom í hlut Ívars Arnar Smárasonar og Ólafs Inga Bjarnasonar.
Á slóðinni rallytimes.is má sjá aksturstíma á einstaka sérleiðum og fleiri upplýsingar.
|
|
# |
Áhöfn |
Bíll |
Fl |
Tími |
Í fyrsta |
Í næsta |
Refs 1a) |
Refs 2b) |
|
1 |
Gunnar Karl / Björgvin |
Subaru Impreza |
B |
1:17:52 |
|
|
0:00 |
0:00 |
|
|
2 |
Valdimar Jón / Sigurjón Þór |
Mitsubishi Lancer Evo |
B |
1:18:42 |
0:50 |
0:50 |
0:00 |
0:00 |
|
|
3 |
Hjörtur Pálmi / Ísak |
Ford Escort |
EX |
1:21:33 |
3:41 |
2:51 |
0:00 |
0:00 |
|
|
4 |
Fylkir A. / Elvar Smári |
Subaru Impreza |
B |
1:22:02 |
4:10 |
0:29 |
0:00 |
0:00 |
|
|
5 |
Magnús / Arnar Freyr |
Subaru Impreza |
B |
1:24:25 |
6:33 |
2:23 |
0:00 |
0:00 |
|
|
6 |
Óskar Kristófer / Halldóra Rut |
Subaru Impreza |
AB |
1:25:00 |
7:08 |
0:35 |
0:00 |
0:00 |
|
|
7 |
Skafti / Hanna Rún |
Subaru Impreza |
AB |
1:25:58 |
8:06 |
0:58 |
0:00 |
0:00 |
|
|
8 |
Ívar Örn / Ólafur Ingi |
Subaru Impreza |
AB |
1:27:42 |
9:50 |
1:44 |
0:00 |
0:00 |
|
|
9 |
Jón Bjarni / Sæmundur |
Jeep Grand Cherokee |
J |
1:28:56 |
11:04 |
1:14 |
0:00 |
0:00 |
|
|
10 |
Garðar Haukur / Hörður |
Subaru Impreza |
AB |
1:31:15 |
13:23 |
2:19 |
0:00 |
0:00 |
|
|
11 |
Rúnar L. / Camilla Rut |
Ford Escort |
EX |
1:32:09 |
14:17 |
0:54 |
0:00 |
0:00 |
|
|
12 |
Magnús / Guðni Freyr |
Subaru 1800 |
EX |
1:34:31 |
16:39 |
2:22 |
0:00 |
0:00 |
|
|
13 |
Andri / Héðinn |
Toyota Rav4 |
AB |
1:36:09 |
18:17 |
1:38 |
0:00 |
0:00 |
|
|
14 |
Almar Viktor / Sverrir |
Subaru Impreza |
AB |
1:37:12 |
19:20 |
1:03 |
0:00 |
0:00 |
Keppnin tókst vel og líkt og oft áður hjálpuðust keppnisliðin að til að koma sem flestum í endamark. Skagafjarðarrallið hefur undanfarin ár verið með fjölsóttari keppnum í Íslandsmótinu og er meðal margra orðinn fastur liður í rallýsumrinu.
„Við viljum senda okkar hjartans þakkir til allra sem komu að Ljómarallinu um helgina. Keppendur, starfsmenn, aðstoðarmenn og áhugafólk voru til fyrirmyndar meðan á keppninni stóð. Bílaklúbbur Skagafjarðar hefur í áratugi verið öðrum til eftirbreytni í keppnishaldi og var þar enginn breyting á þetta árið. Það er alltaf jafn dásamlegt að verða vitni að samhug og hjálpsemi milli keppnisliða í rallý. Við hefðum aldrei náð langt nema með dyggri hjálp annarra liða. Þetta er einstakur andi sem þessi hópur hefur þróað með sér,“ segir Daníel Sigurðsson.
Áhugasömum má benda á að gerast félagar í ,,Rallýáhugamenn“, opnum hóp á facebook. Einnig er kjörið fyrir áhugafólk að gerast fylgjendur Bílaklúbbs Skagafjarðar og annarra akstursíþróttafélaga sem halda úti síðum og upplýsingamiðlun. Nánari umfjöllun um Ljómarallið verður í næsta Mótorsport þætti sem sýndur verður í Ríkissjónvarpinu. Bílaklúbbur Skagafjarðar vill koma á framværi innilegustu þökkum til allra þeirra sem tóku þátt í að undirbúa og halda Ljómarall í Skagafirði 28. júlí sl. Jafnframt fá öll keppnislið, samstarfs- og stuðningsaðilar bestu þakkir fyrir ánægjulega samveru og árangursríkt samstarf.
Á næsta ári verða liðin 30 ár frá stofnun Bílaklúbbs Skagafjarðar. Vonandi verður hægt að minnast þess með veglegum hætti og fá sem flesta til að taka þátt þegar þar að kemur.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.