Gular viðvaranir í kortunum

feykir.is Skagafjörður, Austur-Húnavatnssýsla, Vestur-Húnavatnssýsla 18.03.2026 kl. 13.30 gunnhildur@feykir.is

Veðurstofa Íslands hefur gefið út gular veðurviðvaranir fyrir stóran hluta landsins sem taka gildi í nótt og á morgun. Spáð er sunnan stormi með slyddu og rigningu, auk hlýnandi veðurs.

Viðvörunin tekur fyrst gildi við Breiðafjörð klukkan 23 og nær hún svo til Strandasvæðisins og Norðurlands vestra klukkan 3 í nótt.

Gert er ráð fyrir vindhraða á bilinu 19 til 25 m/s, með staðbundnum hviðum yfir 35 m/s. Úrkoma verður fyrst slydda en síðar talsverð rigning samfara hláku.

Búast má við versnandi akstursskilyrðum, sérstaklega á fjallvegum, auk aukins vatnsrennslis. Fólk er hvatt til að huga að niðurföllum og tryggja að þau séu ekki stífluð.

Til baka

Fleiri fréttir

  • Opinn fundur og kynning á framboðslista

    feykir.is Austur-Húnavatnssýsla 18.03.2026 kl. 13.55 gunnhildur@feykir.is
    Framsókn og aðrir framfarasinnar Austur Húnavatnssýslu boða til opins viðburðar fimmtudaginn 19.mars kl. 21:00 að Norðurlandsvegi 4 á Blönduósi.
    Meira
  • Hjörtur J. Guðmundsson. MYND AÐSEND

    Vantar ríki sem geta borgað | Hjörtur J. Guðmundsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.03.2026 kl. 13.35 gunnhildur@feykir.is
    Fróðlegt hefur verið að fylgjast að undanförnu með umræðum erlendis, bæði í röðum fjölmiðla, stjórnmálamanna og samtaka, eftir að ríkisstjórnin tilkynnti að þjóðaratkvæði um það hvort sótzt verði eftir inngöngu í Evrópusambandið (eða eins og stjórnin kýs að kalla það, „áframhaldandi aðildarviðræður“) færi fram 29. ágúst næstkomandi. Víða hefur það verið sagður einn helzti kosturinn fyrir sambandið að Ísland væri ríki sem myndi greiða með sér til þess.
    Meira
  • Högni og Jódís. AÐSENDAR MYNDIR

    Miðflokkurinn fyrir Skagfirðinga | Högni Elfar og Jódís Helga skrifa

    feykir.is Skagafjörður, Aðsendar greinar 18.03.2026 kl. 09.34 oli@feykir.is
    Senn líður að kosningum til sveitarstjórna í landinu þar sem íbúar velja sér fulltrúa til að hafa umsjón með sameiginlegum eignum þeirra, ásamt því að reka lögbundna þjónustu og stuðla að uppbyggingu, samfélaginu til hagsbóta. Hér í Skagafirði mun Miðflokkurinn bjóða fram lista í fyrsta sinn og svara með því ákalli íbúa um breytingar. Við munum leggja áherslu aðhald í fjármálum sveitarfélagsins, um leið og lögbundin grunnþjónusta verður sett í forgang. Eitt helsta verkefni kjörinna fulltrúa er að fara vel með fjármuni þá sem til ráðstöfunar eru, rétt eins og flestir reyna að gera í heimilisbókhaldi sínu.
    Meira

  • FNV-leikar nýung á opnum dögum

    feykir.is Skagafjörður, Austur-Húnavatnssýsla, Vestur-Húnavatnssýsla 17.03.2026 kl. 15.04 gunnhildur@feykir.is
    Á morgun, miðvikudaginn 18. mars fara FNV-leikar fram í fyrsta sinn við Fjölbrautaskóla Norðurlands vestra. Leikarnir eru að fyrirmynd Fjölbrautaskóla Suðurnesja, þar sem sambærilegir leikar hafa verið haldnir í um 20 ár.  Markmiðið með leikunum er að skapa góða stemningu, samheldni og gleði meðal nemenda.
    Meira
Yfirlit frétta