Akrahreppur styrkir Tyrfingsstaðaverkefnið
Hreppsnefnd Akrahrepps tilkynnti á dögunum Byggðasafni Skagfirðinga um styrk til Tyrfingsstaðaverkefnisins til næstu fjögurra ára, samtals um 1,6 millj. kr. „Stuðningur Akrahrepps er ómetanlegur,“ segir á heimasíðu Byggðasafnsins.
Samkvæmt heimasíðu Byggðasafnsins þá sótti safnið um styrk til Akrahrepps til að halda áfram viðgerðum og endurnýjun bygginga á Tyrfingsstöðum á Kjálka en unnið hefur verið að viðgerðum á húsum á Tyrfingsstöðum og kennslu byggingahandverks frá 2007.
„Verkefnið hefur gengið vel en nú er komið að kostnaðarsömum áföngum sem verður að vinna í nokkrum stórum aðgerðum, sem henta ekki allar fyrir námskeið Fornverkaskólans en hann hefur nýtt hús jarðarinnar til að kennslu viðgerða og gamalla handbragða sem þeim tengjast,“ segir á heimasíðunni.
Byggðasafnið ber ábyrgð á Tyrfingsstaðaverkefninu og sér um að viðgerðir og endurnýjun húsa á Tyrfingsstöðum fari fram samkvæmt markmiðum og áherslum minjaverndar og varðveislu. Jafnframt skráir safnið og myndar allar framkvæmdir og safnar heimildum um verkefnið um leið og það er unnið. Safnið kostar einnig allt efni sem unnið er með á Tyrfingsstöðum og vinnu sérfræðinga við skráningar og viðgerðir sem fram fara utan námskeiða Fornverkaskólans.
Akrahreppur ætlar að styrkja verkefnið um eina milljón króna á árinu 2013, og tvö hundruð þúsund á hverju ári 2014, 2015 og 2016. Samtals gerir þetta um 1,6 millj. kr.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
