Allt að komast í lag hjá sjónvarpsáhorfendum
Vegna fréttar á www.feykir.is sem birtist í gær vilja Gagnaveita Skagafjarðar og Vodafone koma eftirfarandi á framfæri: Greiningu er nú lokið á ástæðu þess, að truflanir urðu á sjónvarpsþjónustu Vodafone á Sauðárkróki í vikunni.
Þegar rafmagnið fór af svæðinu misstu myndlyklar netsambandið, en slíkt samband er forsenda þess að þjónustan virki sem skyldi. Þegar rafmagn komst á að nýju reyndu allir myndlyklarnir að ná netsambandi á sama tímapunkti, sem olli yfirálagi á kerfi Gagnaveitu Skagafjarðar. Afleiðingin varð sú, að einungis sumir myndlyklar náðu sambandi en aðrir ekki.
Í fyrstu var ekki ljóst hvað olli sambandsleysinu hjá hluta viðskiptavina, en samstundis hófst vinna við að greina ástæður þess. Fulltrúar Vodafone og Gagnaveitu Skagafjarðar reyndu einnig að finna tímabundna lausn, svo notendur kæmust í samband á meðan bilanagreining færi fram. Sú lausn virkaði fyrir marga, en ekki alla notendur.
Í gærkvöldi lá svo fyrir, að yfirálag á tilteknum kerfislegum einingum olli vandamálinu og með lagfæringum á þeim var hægt að koma þjónustunni í samt lag. Í mörgum tilvikum komust myndlyklarnir sjálfkrafa í netsamband en sumir notendur þurftu að endurræsa myndlyklana til að koma sambandinu á.
Gagnaveita Skagafjarðar og Vodafone harma þau óþægindi sem notendur urðu fyrir. Starfsmenn fyrirtækjanna vinna nú að uppfærslum sem eiga að tryggja, að vandamál af þessu tagi endurtaki sig ekki ef sams konar rafmagnstruflanir verða og í upphafi vikunnar.
Að gefnu tilefni vill Vodafone einnig benda á, að við aðstæður eins og þessar skapast mikið álag í þjónustuveri fyrirtækisins. Fyrir vikið verður biðin í þjónustuveri óhóflega löng, þegar margir viðskiptavinir hringja inn á sama tíma vegna vandamáls sem er tæknilega flókið. Vodafone biðst velvirðingar á biðinni og þakkar notendum fyrir þolinmæðina.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
