Alsæla með Arniku!
Fröken Fabjúlöss man það sælla minninga þegar hún var lítil að sama hvað meinið var, ef amma var annars vegar þá var Arnika svarið!
Ekki hafa miklar pælingar verið lagðar frekar í þetta í gegnum árin, en svo var það um daginn að Fröken Fabjúlöss, sem dílar við þann hvimleiða sjúkdóm vefjagigt í gráma hvunndagsins, var nánast viðþolslaus af verkjum og frekar áhugasöm um lausn á þeim vanda. Var henni þá bent á Arniku olíuna frá Weleda og þar sem Frökenin hafði svosem engu að tapa, þá ákvað hún að slá til með semingi, með það á bak við eyrað að gamalt húsráð dyggði nú skammt í verkjafarganinu.
Það fyrsta sem fangaði athygli Frk Fab var lyktin af olíunni. Sterk lykt með birkikeim og ekki alveg uppáhaldsangan Fröken Fabjúlöss en samt ekki það slæm að hún gæti ekki hugsað sér að bera olíuna á sig. Ekki voru 10 mínútur liðnar þegar verkurinn var farinn að hjaðna og eftir korter var Frökenin verkjaminni en hún hafði verið í marga mánuði!
Þó svo að Frökenin gefi sig út fyrir að vera Fabjúlöss þá er fátt minna fabjúlöss en að þjást af verkjum heilu dagana, vikurnar eða jafnvel mánuðina í einu og oft upphefjast þá erfiðleikar við að vera í sambandi við sína innri dívu. Fröken Fabjúlöss hafa verið opnaðar nýjar dyr með Arniku olíunni góðu frá Weleda og finnst það ekki nema sanngjarnt að breiða út boðskapinn. Olían kannski lyktar ekki sem allra best svona við fyrstu notkun, en lyktin hjaðnar eftir nokkrar mínútur og er svona sirka eini ókosturinn við þessa annars dásamlegu guðsgjöf, og þegar áhrif olíunnar hafa sýnt sig breytist lyktin í ilm vellíðunar. Arnikuolían er góð bæði á liðverki, mar, vöðvabólgu og annarskonar verki. Fröken Fabjúlöss hefur meira að segja heyrt því hvíslað að Arnikuolía sé gyllta svarið við þurri húð og sé borin á óléttubumbu til að fyrirbyggja slit. Jafnvel þó svo að þessi olía sé seld sem nuddolía er hún svo mikið mikið meira!
Fröken Fabjúlöss er búin að bæta Arniku olíunni á listann yfir bráðnauðsynlegann staðalbúnað í lífinu og ráðleggur öllum að gera það sama!
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
