Ana Clara Paz í raðir Tindastóls
Hin fjölhæfa Ana Clara Paz frá Argentínu er gengin í raðir Tindastóls og mun leika með kvennaliði félagsins á komandi tímabil. En þetta kom fram á Facebook síðu Körfuknattleiksdeildarinnar fyrr í dag. Paz þekkir íslenska körfuboltann vel og kemur með mikilvæga reynslu inn í ungt og metnaðarfullt lið Stólanna.
Ana er 180cm og leikur sem framherji eða bakvörður, hún hefur fjölbreyttan feril að baki og hefur leikið víða, meðal annars hér á landi með Stjörnunni og Hamri/Þór við góðan orðstír. Á ferli sínum hefur hún einnig leikið í heimalandinu Argentínu, Úrúgvæ, Portúgal, Ítalíu, Mexíkó og Kólumbíu, en hún er með tvöfalt ríkisfang, bæði argentískt og ítalskt.
Israel Martín, þjálfari kvennaliðs Tindastóls, fagnar komu Paz og segir reynslu hennar á Íslandi skipta miklu máli: „Ana er frábær fagmaður sem getur spilað í mörgum stöðum í sókninni ásamt því að valda ólíkum stöðum í varnarleiknum. Hún er með öflugan körfuboltaferil og það sem er mjög mikilvægt fyrir okkur er að hún hefur spilað á Íslandi í áður og þekkir íslensku deildina. Það mun hjálpa okkur mikið við að aðlaga hina nýju argentínsku leikmennina, Maca og Flor, að aðstæðum. Hún á eftir að hjálpa okkur mikið og við erum afar ánægð með að fá Anu í okkar raðir.“
Ana segist spennt að koma í Skagafjörðinn: "Ég er rosalega ánægð og þakklát fyrir að leika með Tindastóli. Liðið hefur tekið stór skref á síðustu árum og sýnt hversu öflugt það er. Það verður engin breyting á því í vetur – við erum með mjög heildstætt og gott lið sem ætlar sér alla leið á toppinn. Ég get ekki beðið eftir að fara að vinna með hópnum."
Feykir bíður hana velkomna í Skagafjörðinn og hlökkum til að sjá hana spila í Síkinu í vetur.
Fleiri fréttir
-
Listasýningin Sleppa lengir opnunartímann
feykir.is Skagafjörður, Listir og menning, Lokað efni 04.08.2026 kl. 13.54Listasýningin Sleppa hefur verið framlengd um eina helgi. Upprunalega átti sýningunni að ljúka 9. ágúst en nú hefur opnunartíminn verið framlengdur til 15. ágúst. Opið er á föstudögum og um helgar frá 13:00 til 18:00.Meira -
Sumarvertíð skemmtiferðaskipa að ljúka
feykir.is Skagafjörður, Lokað efni 04.08.2026 kl. 13.24Fimmta og síðasta heimsókn skemmtiferðaskipsins National Geographic Explorer í Skagafjörð er í dag, þriðjudaginn 4. ágúst. Áður en skipið kom til hafnar á Sauðárkróki var stoppað í Drangey.Meira -
Úthlutun úr Húnasjóði: Sjö hlutu styrk
feykir.is Vestur-Húnavatnssýsla, Mannlíf 04.08.2026 kl. 10.37Á heimasíðu Húnaþings vestra kom fram að á 1283. fundi byggðarráðs úthlutaði ráðið styrkjum úr Húnasjóði en fundurinn fór fram 20. júlí síðastliðinn. Í ár bárust níu umsóknir og uppfylltu sjö þeirra skilyrði til úthlutunar. Styrkirnir hljóðuðu upp á kr. 100.000 hver.Meira -
Leika á Blönduósvelli um sæti í undanúrslitum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.08.2026 kl. 09.30Kormákur/Hvöt heldur áfram að spila heimaleiki í Gatorade bikarnum. Í kvöld, þriðjudaginn 2. ágúst, taka þeir á móti liði KFA. Liðin mættust síðast á Neskaupstað þann 20. júní síðastliðinn þar sem leikurinn endaði í 2-2 jafntefli, svo búast má við hörkuleik.Meira
